¿Mávapa umi ojapóva Jehová rembipota koʼág̃a rupi?

1. ¿Arakaʼe guivépa ñañepyrũta jastudia pe folléto ¿Mávapa umi ojapóva Jehová rembipota koʼág̃a rupi?, ha mbaʼépepa ñanepytyvõta?

¹ Semána 28 de octubre guive, ñande aty Ñandejára Ñeʼẽ Ñehesaʼỹijópe jastudiáta pe folléto ¿Mávapa umi ojapóva Jehová rembipota koʼág̃a rupi? Ko puvlikasión osẽ kuri pe aty guasu tres diagua héravape “Ñañangarekókena ñande pyʼapýre”, ha ojeprepara ñaipytyvõ hag̃ua ñane estudiantekuérape oñemoag̃ui hag̃ua Jehová organisasiónre. Upévare jastudiávo ko puvlikasión ñamombaʼevéta Jehová organisasión ha ñandekatupyryvéta jaiporu hag̃ua ko folléto pyahu (Sal. 48:13).

2. ¿Mbaʼéichapa ojestudiáta ko folléto kongregasiónpe?

² Mbaʼéichapa ojestudiáta. Umi omoakãva ko estúdio omohenda porã vaʼerã pe tiémpo ikatu hag̃uáicha oñehesaʼỹijo káda párte orekóva ko folléto. Jahechaháicha káda título haʼe hína peteĩ porandu, upévare pe okondusíva oñepyrũre voi oleéma vaʼerã. Upéi, pe ermáno oleéva omohuʼã rire pe primer párrafo, pe omoakãva ojapo vaʼerã peteĩ porandu haʼe voi oprepara vaʼekue, ikatu hag̃uáicha umi oĩva pe rreuniónpe okomenta. Péro umi párrafo oñepyrũva létra hũvévape, ojelee ha oñehesaʼỹijo vaʼerã peteĩteĩ. Ha ojeleepa rire káda párrafo, pe omoakãva oporandu vaʼerã mbaʼéichapa umi mbaʼe heʼíva upépe ombohovái pe título, ha omeʼẽramo tiémpo ojeleekuaa umi téxto iñimportantevéva. Ko follétope ningo oĩ avei heta taʼanga iporãitereíva, upéicha rupi jaaprovecha vaʼerã umíva ñakomenta hag̃ua. Ojehasa mboyve ótro leksiónpe, pe ermáno okondusíva ojapóta peteĩ rrepasoʼi oiporúvo umi porandu oĩva opakuévo pe leksión. Ha pe párte jastudiávape oĩramo peteĩ rrekuádro heʼíva “Reikuaave hag̃ua”, pe omoakãva ojerure vaʼerã pe lektórpe olee hag̃ua, upéi oporandu umi ermánope mbaʼéichapa oipytyvõta umi estudiántepe ojapóramo umi konsého oĩva upépe. Hembýramo tiémpo ikatu ojerrepasaʼimi jey umi título. Péro koʼã mbaʼe ñahesaʼỹijóva natekotevẽi jaiporu peichaite ñambostudia hag̃ua ñane estudiántepe.

3. ¿Mbaʼépa jajapo vaʼerã ideprovécho hag̃ua ñandéve ko rreunión?

³ Ikatu hag̃uáicha ideprovécho ñandéve ko rreunión jajeprepara porã ha ñañehaʼã vaʼerã ñakomenta. Pe estúdio aja, ñapensa vaʼerã mbaʼérepa oipytyvõta umi estudiántepe ko informasión. Ko folléto ñanembokatupyryvéta ñaipytyvõ hag̃ua ñande rapichakuérape ojapo hag̃ua Ñandejára rembipota ha ohupyty hag̃ua pe jeikove opaveʼỹva (1 Juan 2:17).