Umi mbaʼe jaikuaaséva

◼ Peteĩ puvlikadóra ombostudiáramo peteĩ persónape hóga renondépe ha omoirũ chupe peteĩ puvlikadór, ¿omoĩ vaʼerãpa iñakã rehegua?

Peteĩ puvlikadóra ombostudiárõ voi hína peteĩ persónape ha omoirũ chupe peteĩ puvlikadór, omoĩ vaʼerã iñakã rehegua (1 Cor. 11:3-10). Pe rrevísta La Atalaya 15 de julio 2002, páhina 27-pe heʼi: “Oñembostudia jave peteĩ persónape la Biblia, pe maranduhára omboʼéva chupe omoakã hína upe estúdio, upévare jaʼekuaa omboʼeha kongregasión rérape. Upéicha rupi, peteĩ ermána ojapóramo estúdio vívliko ha omoirũ chupe peteĩ ermáno, omoĩ vaʼerã iñakã rehegua”. Péicha jahecha, tahaʼe haʼehápe, peteĩ puvlikadóra ojapóramo estúdio vívliko ha omoirũ chupe peteĩ puvlikadór, omoĩmante vaʼerã iñakã rehegua.

Péro oiméramo peteĩ puvlikadóra orrevisita ramónte peteĩ persónape ha neʼĩra omoñepyrũ hendive peteĩ estúdio vívliko, natekotevẽi omoĩ iñakã rehegua. Natekotevẽi avei ojapo upéva oiméramo ovisitátante pe ogajárape ohechauka hag̃ua chupe mbaʼéichapa ojestudia la Biblia térã ohesaʼỹijo mbykymítante hendive peteĩ puvlikasión ojepreparáva estudiorã. Jaikuaa ningo heta vése javisita raẽ vaʼerãha umi héntepe, ñamoñepyrũ hag̃ua hendive peteĩ estúdio hóga renondépe. Upévare, umi puvlikadór iñakãguapy vaʼerã ohechakuaa hag̃ua mbaʼéicha javépa heʼíta peteĩ ermánape omoĩ vaʼerãha iñakã rehegua.