Eñembokatupyryvékena: eprepara peteĩ introduksión ointeresátava umi héntepe
Mbaʼérepa iñimportánte. Ñane introduksión ndogustáiramo umi héntepe, ikatu hína noñemongetaséi ñanendive ha upévare ndaikatúi japredika chupekuéra. Upéicha rupi heta maranduhára heʼi iñimportantetereiha japrepara peteĩ introduksión iporãva. Ñane Marandu Porã ha lívro Razonamiéntope osẽ jepi umi presentasión ikatúva ñanepytyvõ, péro sapyʼánte noñemoĩri peteĩ introduksión jaʼe hag̃uaichaite, upévare ñandete jahecha vaʼerã mbaʼépa jaʼevéta. Ha orekóramo jepe peteĩ introduksión, ikatu ñakambiaʼimi térã japrepara voi peteĩ ipyahúva. Tuicha ñaipytyvõ porãvéta umi héntepe japrepara porãramo ñane introduksión, jaʼe rangue umi mbaʼe oúvante ñane akãme ñag̃uahẽvo peteĩ ógape (Prov. 15:28).
Eñehaʼãkena ejapo ko mbaʼe un mes aja:
Pejapo jave pende estúdio de família, peñehaʼã pemboyke tiémpo peprepara ha peñensaja hag̃ua umi introduksión.
Repredika jave peteĩ maranduhárandi emombeʼu chupe mbaʼe introduksiónpa reiporuse (Prov. 27:17). Ha rehechakuaáramo ndoikoiha, ekambia.