Jaipurúkena ñande sítio jw.org japredika jave

Ñane páhina jw.org oĩva Internétpe ideprovechoiterei ñamog̃uahẽ hag̃ua pe marandu porã “mombyryvehápe ko yvy tuichakuére” (Hech. 1:8). Péro heta hénte ndoikuaái oexistiha upe páhina, upévare peteĩ puvlikadór ohechaukárõ añoite chupekuéra ikatu oikuaa.

Peteĩ superintendénte viahánte omboguejy iselulárpe pe vidéo ¿Mbaʼérepa restudia vaʼerã la Biblia? ha otoka porã jave, ohechauka umi héntepe. Por ehémplo, opredika jave ogahárupi heʼi: “Avisita ningo hína ne vesinokuérape ha aju avei nerendápe ahechauka hag̃ua ndéve mbaʼéichapa ikatu rembohovái koʼã mbohapy porandu iñinteresánteva; ¿Mbaʼérepa oiko hetaite mbaʼe vai? ¿Mbaʼépa ojapóta Ñandejára osolusiona hag̃ua umi provléma oĩva ko múndope? ¿Mbaʼépa ikatu jajapo ñahaʼarõ aja oiko upéva? Ko vidéo ombohovái koʼã porandu”. Upéi, omoñepyrũntema pe vidéo ha ohaʼarõʼimi ohecha hag̃ua mbaʼéichapa orreaksiona. Pe vidéo iñinteresanteterei rupi, heta hénte oñatende porã ohechapa peve. Ha opa rire, pe ermáno heʼi: “Rehecháma haguéicha ko vidéope, reaprendesevéramo la Bíbliagui, ikatu rejerure peteĩ estúdio vívliko pe sítio jw.org rupive. Péro che ikatu koʼag̃aite voi ahechauka ndéve mbaʼéichapa ojestudia la Biblia”. Pe ogajára oaseptáramo, ko ermáno oipuru pe folléto Notísia porã ohechauka hag̃ua chupe mbaʼéichapa ñamboʼe la héntepe. Péro naitiémpoiramo, heʼi ou jeytaha ótro día ohechauka hag̃ua chupe. Pe ermáno ohóramo opytuʼuʼimi algún ládo katu, oaprovecha avei oñeʼẽ hag̃ua pe vidéore umi oĩvandi ijypýpe. ¿Ha ñande? ¿Jaiporúpa hína ñande sítio jw.org japredika jave?