Jaipurúkena ñande sítio jw.org japredika jave: “Oñeporandu meméva”

Pe párte hérava “Ore informasión”, oĩva ñande sítio jw.org-pe, oguereko peteĩ seksión hérava “Oñeporandu meméva”. Ko seksión tuichaiterei ñanepytyvõ ñambohovái hag̃ua umi héntepe umi mbaʼe oikuaaséva testígo de Jehovágui. Upévare, jatopa jave oporandúva ñandéve peteĩ mbaʼe oĩva ko seksiónpe, ikatu ñambohovái chupe jaipurúvo ñane páhina oĩva Internétpe. Umi porandu oĩva ko seksiónpe ideprovechoiterei avei ñaipytyvõ hag̃ua ñane estudiánte térã ñande rrevisítape oikuaa porãve hag̃ua ñane organisasión. Por ehémplo, jaiporavokuaa peteĩ porandu iñinteresánteva oĩva upe pártepe, ha ñaporandu chupekuéra mbaʼépa opensa. Upe rire ikatu ñamyesakã chupe mbaʼépa omboʼe la Biblia ha jaʼe chupe upe informasión ikatuha otopa jw.org-pe. Ikatu avei direktoite jahechauka chupe ñande sítiope mbaʼéichapa oñembohovái upe porandu ha jajerure chupe tolee pe informasión oĩva upépe. Umi hénte oĩva ñande territóriope oikuaase jepi avei heta mbaʼe ñandehegui, por ehémplo: mbaʼérepa ñasẽ japredika kása por kása, mbaʼérepa nañamoĩkái tuguy, ojepagápa ñandéve ñamboʼe haguére la héntepe, térã ñameʼẽpa avei pe diésmo. Upévare iporãta ñande voi jaikuaáramo mbaʼéichapa oñembohovái koʼã porandu ko seksiónpe ha jaipuru japredika jave. Ñañemongetávo umi héntendi koʼã mbaʼére, ikatu voi jahechauka chupekuéra ñande selulár térã ambue aparáto elektróniko jarekóvape pe seksión oñeʼẽva koʼã témare.