Ñande sítio ofisiál oĩva Internétpe ideprovécho opavavépe
Jesús omandavaʼekue ñandéve ñamombeʼu hag̃ua umi notísia porã Ñandejára Rréino rehegua “oparupiete ko yvy ape ári ojekuaa hag̃ua opa tetã rupi” (Mat. 24:14). Ha jajapo porã hag̃ua ko tembiapo, ojejapo peteĩ sítio pyahu hérava jw.org. Upépe oñemoĩmbaite umi informasión oĩvaʼekue pe sítio watchtower.org, jw-media.org ha jw.org itujávape (2 Tim. 4:5).
“Oparupiete ko yvy ape ári.” Koʼág̃a rupi ko múndope hetaiterei oĩ oiporúva Internet, diez tapichágui haimete tres voi oiporu. Hetaiterei oĩ ohekáva informasión upépe, koʼýte umi mitãrusu. Ñande sítio pyahu oipytyvõta umi héntepe ontende hag̃ua umi mbaʼe oikuaaséva la Bíbliagui. Upépe oikuaavéta avei Jehová organisasión ha ojerurekuaa ostudia hag̃ua la Biblia gratiete. Ko sítio ideprovechoitereíta ojekuaauka hag̃ua pe notísia porã umi hénte oikóvape umi lugár ijetuʼuhápe ojepredika.
“Opa tetã rupi.” Jaikuaauka hag̃ua umi notísia porã umi hénte “opa tetãyguápe”, ñande testígo de Jehová japredikavaʼerã heta idiómape. Upéicha rupi, ñande sítiope oñemoĩ informasión amo cuatrocientos idióma rupi, ndaipóri ótro sítio koichagua Internétpe.
Eiporúkena. Pe sítio pyahu jw.org ndojejapói ojepredika hag̃uánte, ojejapo avei testígo de Jehovápe g̃uarã. Oimérõ reguereko Internet errevisamína ág̃a káda párte orekóva pe sítio jw.org. Koʼág̃a jahecháta mbaʼéichapa ikatu jaiporu ko erramiénta porãite.
[Nóta oĩva taʼanga ndive páhina 3]
(Emaña pe kuatiañeʼẽre rehecha hag̃ua osẽ hagueichaite ko párte)
Etanteamína
1 Eike Internétpe ha ehai pe direksión www.jw.org.
2 Rehecha hag̃ua umi mbaʼe orekóva ko sítio ejapo clic umi párte rehechaséva ári, térã umi palávra ojehaíva ótro kolór ári rehecha hag̃ua ambue informasión.
3 Ikatu reiporu selulár térã ambue mbaʼe reike hag̃ua pe sítio jw.org-pe. Kóva ojeprepara ojehecha hag̃ua avei koʼãichagua aparátope, ha pe informasión nokambiái.