Eñembokatupyryvékena: ehechaukákena reñeinteresaha umi héntere

Mbaʼérepa iñimportánte. Jesús oikuaa porã vaʼekue káda persóna idiferenteha, upévare oĩrõ guare ko yvy ape ári ohechauka ojepyʼapyha káda únore. Por ehémplo, omonguerátarõ guare peteĩ nohendúivape, oiméne ohechakuaa raʼe noñeñanduporãiha heta hénte apytépe, upévare oaparta chupe pe hénte atýgui ha omonguera chupe (Mar. 7:31-35). Jesús ohechauka vaʼekue avei imbaʼerechakuaaha idisipulokuérandi, haʼe oikuaa porã vaʼekue haʼekuéra iñimperfektoha, ha ndaikatumoʼãiha oaprende heta mbaʼe unavépe, upévare mbeguekatúpente omboʼe ohóvo chupekuéra (Juan 16:12). Ha oho rire yvágape jepe ohechauka oñeinteresaha káda únore (2 Tim. 4:17). Ñande kristiáno ñañehaʼãmbaite jasegi iñehémplo (1 Ped. 2:21; 1 Juan 3:16, 18). Ñaipytyvõ porãve hag̃ua umi héntepe, tekotevẽ ñakomprende chupekuéra, avei ñanembaʼerechakuaa ha jahechauka ñañeinteresaha hesekuéra. Pe ogajára ohechakuaáramo javisitaha chupe jajepyʼapýgui hese, ha ndahaʼéi ñantrega hag̃uánte peteĩ mensáhe térã puvlikasión, katuete oñemongetaséta ñanendive.