**Eñembokatupyryvékena: ehechaukákena umi héntepe mbaʼéichapa ikatu ostudia la Biblia pe lívro Mbaʼépa omboʼe la Biblia? rupive**

Mbaʼérepa iñimportánte. Jaofrese jave estúdio vívliko umi héntepe, ikatu hína nontendéi mbaʼérehepa ñañeʼẽ chupekuéra. Ikatu opensa ojagarra vaʼerãha peteĩ kompromíso tuicha, térã oimoʼã oĩtaha exámen ojejapoháicha eskuélape. Koʼã mbaʼe ikatu omongyhyje chupekuéra ha ndoaseptáinte ñandéve. Upévare ñaporandu rangue chupekuéra ostudiasépa ñanendive, ikuentave jahechaukántema pe ogajárape peteĩ sapyʼaitépe mbaʼeichaitépa igústo jastudia la Biblia.

Mbaʼéichapa ikatu rejapo:

Reñepresenta rire, eporandu pe ogajárape nopensáivapa mbaʼépa oikóta amo gotyove.
Ombohovái rire ndéve erekuaa chupe heta hénte oikuaaseha avei upéva. Upéi ikatu ehechauka chupe pe índise oĩva lívro Mbaʼépa omboʼe la Bíbliape? ha ere chupe upe lívrope oĩha informasión ndahasyietéva ñantende hag̃ua, ha ohechaukáva mbaʼépa omboʼe la Biblia oikotaha koʼẽrõitéma. Upéi, ejerure chupe toiporavo peteĩ kapítulo ointeresavéva chupe.
Emeʼẽ pe ogajárape peteĩ lívro ha ehechauka chupe pe kapítulo oiporavóva. Emombeʼu chupe umi porandu oĩva oñepyrũvo pe kapítulo oñembohovaiha umi párrafope.
Eporandu chupe ndoleeséipa pe primer párrafo. Upéi, ejapo chupe pe porandu pe párrafo rehegua, ha peanalisa oñondive la rrespuésta. Peheka la Bíbliape umi téxto ombohováiva pe pregúnta ha emyesakã chupe. Upe rire, ehechauka chupe mbaʼéichapa nde remarka la rrespuésta nde lívrope.
Pehasa pe ótro párrafope, péro koʼág̃a eheja pe ogajára tombohovái haʼe ontendeháicha pe pregúnta.
Efelisita chupe, ha eporandu arakaʼépa ikatu reho jey hendápe petermina hag̃ua pe kapítulo.
Otoka porãrõ, ehechauka chupe pe vidéo oĩva jw.org-pe hérava ¿Mbaʼéichapa rojapo peteĩ estúdio vívliko?

Taréa ko méspe g̃uarã:

Eñemboʼe Jehovápe tanepytyvõ remoñepyrũ hag̃ua peteĩ estúdio vívliko (Filip. 2:13).
Káda esẽ predikasiónpe, ehechauka peteĩ persónape jepe mbaʼéichapa ojestudia la Biblia pe lívro Mbaʼépa omboʼe la Biblia? rupive, térã ehechauka pe vidéo ¿Mbaʼéichapa rojapo peteĩ estúdio vívliko?