¿Rejepreparámapa hína Konmemorasionrã?

Pe ára Jesús omano mboyve, haʼe oikuaáma kuri peteĩ pyharéntema oĩtaha umi ohayhúvandi. Upe pyharépe haʼe ofesteháta kuri pe Páskua idisipulokuérandi ha upe rire ojapo ñepyrũta pe Séna del Señór. Oikuaágui mbaʼeichaitépa iñimportánte upéva, haʼe omondo Pedro ha Juánpe oprepara hag̃ua umi mbaʼe oñekotevẽtava (Luc. 22:7-13). Upe guive, umi kristiáno káda áño ojapo pe Konmemorasión, ha voimíre avei opreparapáma umi mbaʼe oñekotevẽva (Luc. 22:19). Ko áño, pe Konmemorasión hoʼáta viernes 3 de abril, ¿mbaʼe mbaʼépa ojepreparáma vaʼerã ikatu hag̃uáicha osẽ porãmba?

Mbaʼe mbaʼépa ojapo vaʼerã ansianokuéra:

Ohecha vaʼerã ojejapótapa Salón del Réinope térã ótro lugár opyta porãvehápe. Pe lokál ndahaʼéi vaʼerã serradopaite ani hag̃ua oĩ oñeñandu vaíva ha tekotevẽ ilús porã. Oñatende vaʼerã avei ani ofaltapa sílla ha ojapo vaʼerã arréglo oñemopotĩ porã hag̃ua pe lokál.
Oiporavo vaʼerã peteĩ diskursánte ikatupyrývape. Ohecha vaʼerã mávapa ojapóta pe presidénsia ha mávapa oñemboʼéta pe pan ha vínore.
Oĩramo ótro kongregasión oipurútava avei pe lugár ojapo hag̃ua pe Konmemorasión, umi ansiáno ohecha vaʼerã mbaʼe oraitépa ojapóta káda kongregasión ha mbaʼéichapa ojejapóta ani hag̃ua ojejoʼapa pe entrádape ni estasionamiéntope.
Oiporavo vaʼerã mávapa oĩta de akomodadór ha mávapa ombohasáta pe pan ha víno.
Ojapo vaʼerã arréglo oñekonsegi hag̃ua pan ha víno ikatúva ojepuru, avei pláto, kópa, mesa ha mantél iporãmíva.

Mbaʼe mbaʼépa ojapo vaʼerã puvlikadorkuéra:

Kyreʼỹme orreparti vaʼerã umi invitasión.
Omoĩmbaite vaʼerã peteĩ lístape mávapepa oinvitase, tahaʼe ikonosidokuéra, iñestudiánte, ipariénte, ikompañéro de traváho térã de koléhio ha upéi oraha chupekuéra pe invitasión.
Olee vaʼerã pe prográma de lektúra vívlika Konmemorasiónpe g̃uarã ha ojepyʼamongeta hese.
Orresivi porã vaʼerã umi og̃uahẽvape Konmemorasionhápe.