Jaipurúkena pe folléto Reikuaave hag̃ua mbaʼépa oĩ Ñandejára Ñeʼẽme ñañemongeta hag̃ua umi héntendi
1. ¿Mbaʼe erramiénta pyahúpa oñepresenta kuri ñane asambléa tres diaguápe?
1 Áño 2014-pe, ñane asambléa tres diaguápe, oñepresenta kuri pe folléto Reikuaave hag̃ua mbaʼépa oĩ Ñandejára Ñeʼẽme. ¿Mbaʼéichapa ikatu jaipuru ko erramiénta pyahu jajeprepara hag̃ua predikasionrã? Ko follétope, umi téxto vívliko oñemohenda por téma, oĩháicha lívro Razonamiéntope, upévare ideprovechoiterei ñañemongeta hag̃ua umi héntendi.
2. ¿Mbaʼéichapa ikatu jaipuru predikasiónpe pe folléto Reikuaave hag̃ua mbaʼépa oĩ Ñandejára Ñeʼẽme?
2 Por ehémplo, ikatu jaipuru pe porandu 8 ha jaʼe: “Heta hénte ningo oikuaase mbaʼérepa jasufriete ko múndope, algúno opensa jahasa asyha Ñandejára ñandekastiga rupi. [Oĩ território iporãvetahápe jahechauka voi pe porandu oĩva pe follétope.] ¿Ndépa mbaʼe repensa upévare? [Ehaʼarõ tombohovái.] La Biblia omombeʼu porã mbaʼérepa jahasa asy”. Upéi ikatu jalee peteĩ térã hetave téxto vívliko oĩva pe follétope ha ñaanalisa hendive. Pe ogajára oñeinteresáramo, jahechaukakuaa chupe umi 20 porandu oĩva páhina 1-pe ha jajerure toiporavo peteĩ ogustavéva chupe ñaanalisa hag̃ua hendive ótro viáhepe. Ikatu avei jaheja chupe peteĩva umi puvlikasión jaipurúva jepi ñakondusi hag̃ua estúdio vívliko oñeʼẽvéva upe témare.
3. ¿Mbaʼéichapa ikatu jaipuru pe folléto Reikuaave hag̃ua mbaʼépa oĩ Ñandejára Ñeʼẽme ñañemongeta hag̃ua umi ndojeroviáivandi la Bíbliare?
3 Sapyʼánte jatopa avei umi ndojeroviáivare la Bíbliare. Péicha jave ideprovechoitereíta ñandéve pe porandu 4, ha avei 13 al 17, ikatu hag̃uáicha ñañemongeta hendivekuéra. Por ehémplo, ikatu jaipuru pe porandu 17 ha jaʼe: “Rovisita hína umi famíliape roñemongeta hag̃ua peteĩ téma oipyʼapývare hetápe. Oiméne nde avei rehechakuaa koʼág̃arupi heta famíliape provlémamante oĩha, ¿ajépa? [Ehaʼarõ tombohovái.] Heta paréhape oipytyvõiterei ko konsého: “Pe tembireko katu orrespeta vaʼerã iménape ipyʼaite guive”. [Natekotevẽi emombeʼu reguenohẽha upéva Efesios 5:33-gui. Reñeʼẽramo peteĩ kuñándi, ikatu eipuru Efesios 5:28 heʼíva.] ¿Ndépa ere pe konsého ikatúne hag̃ua ñanepytyvõ ñande rogapýpe?”.
4. ¿Mbaʼépa ikatu jajapo ñañemongetapa rire peteĩ ndojeroviáivandi la Bíbliare?
4 Ñañemongetapa rire pe ogajárandi, jajapo vaʼerã hendive arréglo jaha jey hag̃ua ótro día ñañeʼẽmie hag̃ua pe témare. Upe visítape ikatu ñaanalisa hendive ótro versíkulo oĩva pe párte ñahesaʼỹijo vaʼekuépe. Ág̃a otoka porã vove, ñamombeʼukuaa pe ogajárape umi konsého ñaanalisa vaʼekue oñeguenohẽha la Bíbliagui, ha upéi ikatu ñapresenta peteĩ puvlikasión ointeresátava chupe. Jaiporavo hag̃ua pe puvlikasión tekotevẽta jareko en kuénta umi téma ñañeʼẽ vaʼekue hendive ha avei mbaʼépa haʼe opensa Ñandejára Ñeʼẽre. (Ehecha Ñane Marandu Porã diciembre 2013 páh. 3 al 6.)