Eñembokatupyryvékena: epredika negosiohárupi

Mbaʼérepa iñimportánte. Heta hénte ningo ombaʼapo un diaite, upévare okonvenive japredika chupekuéra itravahohápe. Igústo ningo japredika umi negosioháre, pórke umi oñatendéva umi negósiore siémpre ñanderresivi porã oimoʼãgui ñande haʼeha kliénte. Péro umi hénte ñanerendu porã hag̃ua, ñanderory ha ñanembaʼerechakuaa vaʼerã, avei ñañemonde ha jajarregla porã vaʼerã (2 Cor. 6:3). Pe superintendénte de servísio ohecha vaʼerã káda mboy tiémpopa ojepredika umi negosioháre ha mávapa opredika jepi umi territóriope.

Mbaʼéichapa ikatu rejapo:

Eprepara peteĩ presentasión mbykymívante. Eñeʼẽ pukuetereíramo peteĩ ombaʼapóvandi, ikatu hína ótrope noñatendesevéima nderehe.
Epredika umi negosioháre saʼive jave kliénte, por ehémplo ojavrimíre umi negósio.
Eñeʼẽ raẽ vaʼerã pe enkargádondi ha nderory vaʼerã. Reñepyrũ hag̃ua ikatu ere: “Rovisita ningo hína la héntepe sapyʼaite itravahohápe”. Ha ensegída voi epresenta chupe peteĩ tratádo, rrevísta térã ótra puvlikasión. Natekotevẽi ere chupe ikatuha omeʼẽ ikontrivusión, noporandúiramo ndéve mboýpa ovale. Upéicha nopensamoʼãi ñande haʼeha vendedór.
Pe enkargádo oñatende porãrõ nderehe, ikatu ejerure chupe permíso eñeʼẽ hag̃ua sapyʼaite ipersonalkuérandi. Oĩ negósio orekóva voi peteĩ lugár opytuʼuha umi ombaʼapóva upépe ha ikatu avei ejerure permíso reheja hag̃ua puvlikasión upe lugárpe.
Nembaʼerechakuaa vaʼerã. Por ehémplo, rehechárõ oñemongetaha peteĩ kliéntendi térã hembiapoitereiha, iporãvéta rehaʼarõmiénte reñeʼẽ hag̃ua chupe.

Taréa ko méspe g̃uarã:

Pejapo vove pende Estúdio de Família, peñensaja mbaʼéichapa ikatu pepredika negosiohárupi.