Eñembokatupyryvékena: eipuru predikasiónpe pe folléto Notísia porã emoñepyrũ hag̃ua estúdio
Mbaʼérepa iñimportánte: Jajapo hag̃ua disípulo, ñamboʼekuaa vaʼerã Ñandejára Ñeʼẽ (Mat. 28:19, 20). Jehová omeʼẽmbaite ñandéve umi erramiénta ñaikotevẽva ñaporomboʼe porã hag̃ua. Por ehémplo, pe folléto ¡Notísia porã oúva Ñandejáragui! ojejapo voi ikatu hag̃uáicha jaipuru ñamboʼe hag̃ua ótrope. Ha ikatu jaipuru ñamoñepyrũ hag̃ua estúdio vívliko predikasiónpema voi.
Taréa ko méspe g̃uarã:
Eñemboʼe Jehovápe tanemokyreʼỹ remoñepyrũ hag̃ua peteĩ estúdio vívliko. Ejerure chupe tanepytyvõ retopa hag̃ua peteĩ ostudiaséva ha oiko hag̃ua ndehegui peteĩ mboʼehára ikatupyrýva (Filip. 2:13).
Rejapo vove nde estúdio de família térã nde estúdio personál, emohembyʼimi tiémpo reñensaja hag̃ua pe presentasión. Péicha reñeʼẽta kyhyjeʼỹme ha ikatúta emoñepyrũ peteĩ estúdio predikasiónpema voi.