Jajeprepara porã vaʼerã ñaporomboʼe porã hag̃ua

Mokõi kuimbaʼe oporandu vaʼekue Jesúspe mbaʼépa tekotevẽ ojapo ohupyty hag̃ua pe jeikove opaveʼỹva. Péro Jesús nombohováiri chupekuéra peteĩcha, pórke káda uno idiferénte vaʼekue la isituasión (Luc. 10:25-28; 18:18-20). Ñande jasegi vaʼerã Jesús ehémplo, jaikuaa porãmarõ jepe pe téma ñaanalisátava ñane estudiántendi, tekotevẽ jajeprepara porã ha ñapensa mbaʼéichapa ikatu ñaipytyvõ porãve káda únope. Por ehémplo, ¿mbaʼe mbaʼépa ijetuʼu chupe ontende térã oguerovia hag̃ua? ¿Mbaʼe téxtopa ikatu jalee chupe umi párrafogui? ¿Mboy párrafopa ikatu jastudia hendive? Ikatu avei ñapensáma mbaʼe ehémplopa jaipurúta térã mbaʼe pregúntapa ikatu jajapo ontende porãve hag̃ua pe informasión. Péro ñanemanduʼa vaʼerã Jehová haʼeha pe omongakuaáva pe semílla térã pe mensáhe umi hénte korasõme. Upévare jajerure vaʼerã chupe toipytyvõ ñane estudiántepe oprogresa hag̃ua, jajerure vaʼerã avei chupe ijespíritu sánto jajeprepara jave pe estudiorã, ha tovendesi umi mbaʼe jajapóva ñaipytyvõ hag̃ua ñane estudiántepe (1 Cor. 3:6; Sant. 1:5).