JAHECHAUKÁKENA JASERVIHA JEHOVÁPE
Ñañemboʼékena umi ermáno ojepersegívare
La Biblia heʼi voi Satanás ñandepersegitaha anive hag̃ua japredika (Jn 15:20; Apc 12:17). Ha koʼág̃a ningo heta hendápe ojepersegi mbarete hína ñane ermanokuérape. ¿Oĩpa álgo ikatúva jajapo hesehapekuéra? Si, ikatu ñañemboʼe hesekuéra. La Biblia heʼi voi peteĩ persóna ihústova oñemboʼéramo, upe ñemboʼe orekoha podér (Snt 5:16).
¿Mbaʼépa ikatu jaʼe ñane ñemboʼépe? Ikatu jajerure Jehovápe omombarete ha ombopyʼaguasu hag̃ua umi ermánope ani hag̃ua okyhyje (Is 41:10-13). Ikatu avei jajerure Jehovápe umi autorida opermiti hag̃ua ñandéve jasegi japredika ikatu hag̃uáicha “jaiko trankílo porãnte pyʼaguapýpe” (1Ti 2:1, 2).
Pablo ha Pédrope ojepersegírõ guare, umi ermanokuéra oñemboʼe vaʼekue hesekuéra ha omensiona voi herakuéra iñemboʼépe (Hch 12:5; Ro 15:30, 31). Ñande avei ndajaikuaáiramo jepe umi ñane ermáno ojepersegíva réra, ikatu ñamensiona umi lugár, país térã kongregasión oĩha hikuái.