Eñembokatupyryvékena: Eskrivi hag̃ua kárta

MBAʼÉREPA IÑIMPORTÁNTE: Pablo oskrivi vaʼekue 14 kárta omokyreʼỹ hag̃ua kristianokuérape, umíva apytépe oĩ Primera kárta a los Corintios. Peteĩ kárta ningo ideprovechoiterei pórke ikatu epensa porã umi mbaʼe erétavare pype, ha pe oleéva ikatu heta vése olee jey. Umi kárta rupive ikatu japredika ñane hénte, ñane konosidokuéra térã umi persóna ndaikatúivape jatopa japredika jave. Sapyʼánte ikatu avei peteĩ persóna ñanerendu porã kuri japredikárõ guare chupe, péro hasy jatopa hag̃ua hese hógape. Ikatu avei oĩ ñande territóriope umi persóna oikóva umi apartaménto isegúro porãvape, várrio serrádope térã umi lugár mombyryhápe ha hasy japredika hag̃ua chupekuéra en persóna. ¿Mbaʼépa jareko vaʼerã enkuénta jaskrivi hag̃ua peteĩ kárta umi ndajaikuaáivape?

MBAʼÉICHAPA IKATU REJAPO:

• 

  Epensa mbaʼépa ere vaʼerãmoʼã pe ogajárape ikatúrire repredika chupe en persóna, ha eskrivi umíva nde kártape. Eñepyrũre emoĩ mbaʼéichapa nde réra ha emombeʼu mbaʼérepa reskrivi hína chupe. Upéi ikatu emoĩ peteĩ pregúnta ointeresátava chupe ha eñeʼẽ ñande sítio de Internét rehe. Ikatu ere chupe ñande ñambostudiaha la Biblia la héntepe hogaitépe, upéi eiporavo peteĩ téma oĩva ñane puvlikasión jaipurúvape ñambostudia hag̃ua la héntepe. Pe nde kártandi ikatu avei emoĩ peteĩ tarhéta JW.ORG, peteĩ invitasión térã peteĩ tratádo.

• Mbykymínte reskrivi vaʼerã. Ipukuetereíramo la nde kárta ikatu hína pe persóna ikaiguéma oleepa hag̃ua (oĩ peteĩ ehémplo nepytyvõtava reikuaa hag̃ua mbaʼéichapa ikatu rejapo).

• Eskrivipa rire nde kárta, ekontrola vaʼerã ehecha hag̃ua eskrivi porãmbápa ha ifásilpa oñentende hag̃ua. Pe reskrivi lájare ojekuaa vaʼerã avei nderory ha nderrespetuosoha.