Eñembokatupyryvékena: Epredika por teléfono

MBAʼÉREPA IÑIMPORTÁNTE: Japredikáramo por teléfono tuichaiterei ñanepytyvõ hína jaikuaauka hag̃ua “umi notísia porã” (Hch 20:24).a Pe situasión nopermitíriramo ñandéve jaha javisita umi héntepe hógape, ou porãitereíta ñandéve japredika por teléfono.

MBAʼÉICHAPA IKATU REJAPO:

• 

  Ejeprepara porã. Eiporavo peteĩ téma ogustáva heta héntepe. Upéi eanota unas kuánta kósa ereséva. Avei eprepara mbykymi mbaʼépa eréta ipúrõ g̃uarã pe kontestadóra. Iporãta erekopárõ peteĩ mesápe umi mbaʼe reanota vaʼekue ha ótra kósa ikatúva reikotevẽ, por ehémplo peteĩ selulár térã távlet erekohápe JW Library^® térã jw.org^®.

• 

  Eñehaʼã ani nenervióso. Eñeʼẽ reñeʼẽháicha jepi voi. Epukavy ha ejapo hésto reĩramoguáicha pe persóna renondépe. Reñeʼẽ aja ani repausaiterei oimérõ natekotevẽi. Iporãta avei peñemoirũramo ótro ermáno térã ermánandi. Pe persóna oporandúramo ndéve álgo, errepeti pe pregúnta ohendu hag̃uáicha ne kompañéro de predikasión, péicha ikatúta nepytyvõ.

• 

  Eheja peteĩ pregúnta ejapo hag̃ua pe rrevisíta. Oimérõ eñemongeta porã pe persónandi, eheja peteĩ porandu ótro rehenóivape g̃uarã. Eikuaveʼẽ peteĩ puvlikasión ha ere ikatuha remog̃uahẽ chupe hógape. Ikatu avei remondo por korréo elektróniko térã ndete voi emeʼẽ chupe. Ere pe persónape remondokuaaha por mensáhe térã por korréo elektróniko peteĩ vidéo térã peteĩ artíkulo iporãva. Opyta porãrõ ere pe persónape ohecha hag̃ua ñande sítio de Internétpe peteĩ téma ointeresátava chupe.