Ñaipytyvõ ñane estudiantekuérape omboyke hag̃ua umi júnta vai

Umi persóna ostudiáva la Biblia orekoséramo peteĩ amista iporãva Jehovándi, oiporavokuaa vaʼerã iñamigorã (Sl 15:1, 4). Oiporavo porãramo, umi iñamígo oipytyvõta pe estudiántepe ojapo hag̃ua iporãva (Pr 13:20; lff leksión 48).

Oimérõ reipytyvõ hína ne estudiántepe oheja hag̃ua ijúnta vai, eñehaʼãkena entende chupe. Ikatu hína ijetuʼu oheja hag̃ua umi iñamigokuérape. Ehechaukákena eñeinteresaha hese umi día ndapestudiaihápe avei, por ehémplo ikatu remensahea, rehenói térã revisita chupe sapyʼaitemi. Ha ne estudiánte osegírõ oprogresa ikatu reinvita chupe ohasa hag̃ua tiémpo ermanokuérandi. Umi estudiánte ohechakuaa vaʼerã ndoperdeiha mbaʼeve síno tuicha oganaha hikuái (Mr 10:29, 30). Nde avei katuete revyʼáta rehechávo mbaʼéichapa okakuaa ohóvo Jehová família.

EHECHA PE VIDÉO ÑAIPYTYVÕ ÑANE ESTUDIANTEKUÉRAPE OMBOYKE HAG̃UA UMI JÚNTA VAI, HA UPÉI ERRESPONDE KOʼÃ PORANDU:

• ¿Mbaʼépa hína umi júnta vai? (1Co 15:33).

• ¿Mbaʼéichapa oñeimahina Arami ojedivertiha umi testígo?

• ¿Mbaʼéichapa Nilda oipytyvõ Aramípe oheja hag̃ua umi júnta vai?