Umi mbaʼe ajaposéva Konmemorasión tiémpope

Ñande testígo de Jehová káda áño ñahaʼarõiterei og̃uahẽ pe fécha jagueromanduʼatahápe Jesús omano hague día. Unas kuánta semána oñepyrũ mboyve ha opa rire pe Konmemorasión, jaaprovechapaite pe oportunida ñamombaʼeguasu ha jaagradese hag̃ua Jehovápe pe sakrifísio porãite Jesús ojapo vaʼekuére (Ef 1:3, 7). Por ehémplo, ñañehaʼãmbaite ñainvita ikatúvape guive. Avei oĩ heta ermáno omohenda porãva itiémpo ojapo hag̃ua iprekursorádo auxiliár de 30 térã 50 óra marzo térã abrílpe. ¿Ndépa repredikaseve pe Konmemorasión tiémpope? ¿Mbaʼépa ikatu rejapo rehupyty hag̃ua upéva?

Ñaplanea porãramo la jajapótava katuete osẽ porãta (Pr 21:5). Pe Konmemorasión ningo og̃uahẽmbaitéma, upévare iporãta koʼág̃ama voi ñañepyrũramo ñaplanea. Ikatúma ñapensa mbaʼe mbaʼépa jahupytyse pe Konmemorasión tiémpope ha mbaʼe mbaʼépa ikatu jajapo jahupyty hag̃ua umíva. Upéi jajerure Jehovápe tovendesimi umi esfuérso jajapóva (1Jn 5:14, 15).

¿Mbaʼe mbaʼépa nde ikatu rejapo repredikave hag̃ua Konmemorasión tiémpope?