Embaʼapovékena Jehová servísiope Conmemoración tiémpope
1. Mbaʼépa ikatu jajapo japredikave hag̃ua marzo, abril ha máyope?
1 Ikatúpa repredikave marzo, abril ha máyope? Iporãta reñemotiémporamo koʼã méspe repredikave hag̃ua, pór ehémplo rejerurekuaa vakasión nde travahohápe térã umi mitãrusu ikatu oaprovecha umi arete oñembohérava “Semána Sánta”. Avei 2 de abril guive ñañepyrũta ñainvita opavavépe Conmemoracionrã, ojejapótava ág̃a 17 de abril. Upéi iporãta javisita jeýramo umi ohovaʼekuépe Conmemoracionhápe ha ñainvita chupekuéra oho hag̃ua ohendu pe diskúrso espesiál ojejapótava pe semána 25 de abril. Jahechakuaa upéicharõ iporãitereitaha ñañehaʼãramo ñambaʼapove Jehová servísiope Conmemoración tiémpope.
2. Mbaʼépa ñanepytyvõta ñambaʼapove hag̃ua Jehová servísiope?
2 Jajapo prekursorádo auxiliar. Ñambaʼaposevéramo Jehová servísiope ikatu jajapoñaína prekursorádo auxiliar. Péro ijetuʼu jepi jajapo hag̃ua upéva ñanerembiapoiterei rupi, upévare iporãta ñamohendáramo ñane tiémpo ha jakalkula mbaʼéichapa ikatúta jajapo (Pro. 21:5). Ikatu oime ñapensáma mbaʼépa jajapóta umi méspe, péro oiméramo naiñimportanteguasúi, ikatu jahejánte amo gotyove g̃uarã (Fili. 1:9-11). Emombeʼúna umi ermánope rejaposeha nde prekursorádo, upéicha ikatu remokyreʼỹ chupekuéra ojapo hag̃ua avei.
3. Mbaʼépa ojapokuaa umi família opredikave hag̃ua Conmemoración tiémpope?
3 Mbaʼépa ojapokuaa umi família opredikave hag̃ua Conmemoración tiémpope? Iporãta oñemongetáramo upéva rehe pe Aty Jastudia Hag̃ua Ñande Rogayguápe (Pro. 15:22). Péicha ikatu peteĩ térã hetave ojapo iprekursorádo umi méspe. Péro ndaikatúirõ, iporãta ombaʼapovéramo Jehová servísiope, pór ehémplo oñopytyvõkuaa osẽve hag̃ua opredika kaʼarukue térã opytamieve predikasiónpe fín de semanakue.
4. Mbaʼépa jahupytýta japredikavéramo Conmemoración tiémpope?
4 Jehová ojesareko ñanderehe ha omombaʼeterei ohecháramo ñañehaʼãmbaiteha jaservi porã chupe (Heb. 6:10). Avei javyʼaitereíta ñambaʼapóramo chupe g̃uarã ha ñaipytyvõ ñande rapichakuérape (1 Cró. 29:9; Hech. 20:35). Ha nde, ikatútapa repredikave Conmemoración tiémpope? Rejapóramo upéicha katuete revyʼáta ha Jehová nderovasáta.