VIVLIOTÉKA OĨVA INTERNÉTPE Watchtower
Watchtower
VIVLIOTÉKA OĨVA INTERNÉTPE
guarani
ã
  • ã
  • ẽ
  • ĩ
  • õ
  • ũ
  • ỹ
  • g̃
  • ʼ
  • ñ
  • BIBLIA
  • PUVLIKASIONKUÉRA
  • RREUNIONKUÉRA
  • wp21 núm. 2 páh. 7-9
  • ¿Heʼípa raʼe Jesús arakaʼépa oúta pe fin?

Ko párte ndorekói gueteri ni peteĩ vidéo.

Rombyasyeténgo, péro ndaikatúi ojehechauka ko vidéo.

  • ¿Heʼípa raʼe Jesús arakaʼépa oúta pe fin?
  • Ñemañaha. Oanunsia Jehová goviérno púvlika 2021
  • Subtítulo
  • Informasión oñeʼẽva avei ko témare
  • EMAÑAMI LA HEʼI VAʼEKUE JESÚS PE FÍNRE:
  • PE SEÑÁL
  • ‘UMI ÁRA PAHA’
  • KOʼẼRÕITÉMA KO YVÝGUI OIKÓTA PETEĨ PARAÍSO
  • Jaikopañaína pe ‘ára pahápe’?
    Mbaʼépa añetehape omboʼe la Biblia?
  • Ko múndo aña oñehundi potaitéma
    ¿Mbaʼépa ñanemboʼe la Biblia?
  • Mbaʼéichapa jaikuaa jaikohañaína ‘umi ára pahápe’
    Añetehápepa Ñandejára ojepyʼapy ñanderehe?
  • ¿Jakyhyjevaʼerãpa fín del múndogui?
    Ñemañaha. Oikuaauka Jehová Sãmbyhy 2013
Oĩve informasión
Ñemañaha. Oanunsia Jehová goviérno púvlika 2021
wp21 núm. 2 páh. 7-9
Jesús omombeʼu idisipulokuérape pe señál ohechaukátava og̃uahẽmaha umi ára paha

¿Heʼípa raʼe Jesús arakaʼépa oúta pe fin?

Jahecháma haguéicha, la Biblia oñeʼẽ jave pe fin del múndore nontendekái ko planéta térã entéro persóna oñehunditaha. Upéva rangue, heʼise opataha umi mbaʼe vai ojejapóva koʼág̃arupi ha umi oapojávape umi mbaʼe. Péro, ¿heʼípa la Biblia arakaʼépa oikóta upéva?

EMAÑAMI LA HEʼI VAʼEKUE JESÚS PE FÍNRE:

“Peñatende porãke siémpre, pórke ndapeikuaái mbaʼe día ni mbaʼe órapa oikóta koʼã mbaʼe” (MATEO 25:13).

“Pejesareko meméke ha peñatende porãke siémpre, pórke ndapeikuaái mbaʼe díapa Ñandejára oiporavo” (MARCOS 13:33).

Upéicharõ, Ñandejára oiporavóma ‘peteĩ óra ha peteĩ día’ entéro umi mbaʼe vai opa hag̃ua, péro ni peteĩ persóna oikóva ko yvy ape ári ndoikuaái arakaʼetépa oikóta upéva (Mateo 24:36). ¿Heʼisépa upéva ndaiporiha fórma jaikuaávo hiʼag̃uímapa pe fin? Nahániri. Jesús heʼi vaʼekue idisipulokuérape ojesareko hag̃ua unas kuánta kósare ohechaukátava hiʼag̃uimaha pe día opatahápe umi mbaʼe vai.

PE SEÑÁL

Umi mbaʼe Jesús heʼi vaʼekue oikotaha, haʼe hína peteĩ señál ohechaukáva “pe fin ou potaitemaha”. Jesús heʼi: “Peteĩ país opuʼãta ótro país rehe, ha umi goviérno opuʼãta ojuehe. Avei oĩta ñembyahýi, ha yvyryrýi ápe ha pépe” (Mateo 24:3, 7). Haʼe heʼi vaʼekue avei oĩtaha “opaichagua mbaʼasy” (Lucas 21:11). ¿Rehechápa nde oikoha koʼág̃arupi koʼã mbaʼe Jesús heʼi vaʼekue?

La hénte osufrieterei oĩ rupi gérra, ñembyahýi, terremóto ha opaichagua mbaʼasy. Por ehémplo, áño 2004-pe oiko peteĩ terremóto tuichaitereíva pe oséano Índicope ha upéva káusare oñepyrũ peteĩ sunámi ojukáva 225.000 persónape rupi. Tres áñope katu pe pandémia COVID-19 ojuka amo 6 millón 900 mil persónarupi ko yvy tuichakuére. Jesús heʼi vaʼekue koʼã mbaʼe ohechaukataha pe fin hiʼag̃uimbaitemaha.

‘UMI ÁRA PAHA’

La Biblia heʼi pe tiémpo ou mboyvemi pe fin heraha ‘umi ára paha’ (2 Pedro 3:3, 4). Ohechaukaháicha 2 Timoteo 3:1-5, umi ára pahápe umi hénte ndorrespetamoʼãi umi mbaʼe iporãva (Ehecha pe rrekuádro “Oikótava ou mboyvemi pe fin”). ¿Rehechápa nde koʼág̃arupi umi hénte opensaha ijehénte, itaryryiha, isalvaheha ha ndohayhuiha hapichápe? Koʼã mbaʼe haʼe hína peteĩ pruéva ohechaukáva hiʼag̃uimaha pe fin.

Péro, ¿ipukúta piko ‘umi ára paha’? La Biblia heʼi “mbykypaitemaha pe tiémpo hembýva” Ñandejára ‘ohundi hag̃ua umi ohundívape ko yvy’ (Apocalipsis 11:15-18; 12:12).

Gérra

Soldádo oĩva gerrahápe orekóva hiʼarmakuéra ha ombokapúva umi iñenemígo kóntrape
  • Éntre áño 2007 ha 2017 umi omanóva ñorairõ ha terrorísmo káusare ojupi 118 por ciento.

Mbaʼasy

Peteĩ karai hasýva ha oñeinternáva peteĩ ospitálpe
  • Hetave oñemano koʼã mbaʼasy káusare: provléma del korasón, derráme, provléma rrespiratório, mbaʼasy orekóva umi mitã onase ramóva, tye, kánser, mbaʼasypoʼi.

Ñembyahýi

Peteĩ mitãkuñaʼi ndorekóiva mbaʼeve hoʼu vaʼerã oreko ipópe peteĩ pláto
  • Áño 2021-pe 9,8 por ciento umi oĩva ko múndope ndorekói kuri hoʼu vaʼerã. Ha haimete 1 de káda 3 mitã orekóva ménos de 5 áño noñalimentaporãi ha ndokakuaaporãi.

Ojepredika opárupi

Testígo de Jehová oñemboʼy peteĩ karríto de puvlikasión ykére ha opredika peteĩ kariaʼýpe
  • Oĩ mas de 8 millón 600 mil testígo de Jehová omboʼéva la Biblia ha okompartíva informasión oñeʼẽva la Bíbliare mas de 1.000 idiómape, 240 país ha territóriope.

KOʼẼRÕITÉMA KO YVÝGUI OIKÓTA PETEĨ PARAÍSO

Ñandejára oiporavóma peteĩ óra ha peteĩ día ohundi hag̃ua ko múndo aña (Mateo 24:36). ¡Ha oĩve hína la notísia iporãva! Ñandejára “ndoipotái avave oñehundi” (2 Pedro 3:9). Upévare haʼe omeʼẽ oportunida entéro persónape oikuaa hag̃ua ivolunta ha ojapo hag̃ua haʼe heʼíva. ¿Mbaʼérepa Ñandejára omeʼẽ gueteri tiémpo? Pórke haʼe oipota jajesalva oñehundi vove ko múndo aña, ha péicha ñaime imúndo pyahúpe oiko vove ko yvýgui peteĩ paraíso.

Ñandejára ojapo tekotevẽva guive ikatu hag̃uáicha la hénte oikuaa mbaʼépa ojapo vaʼerã oiko hag̃ua Igoviérno poguýpe. Jesús heʼi vaʼekue umi notísia porã oñeʼẽva Ñandejára Rréinore oñemombeʼutaha “oparupiete ko yvy ape ári” (Mateo 24:14). Ko yvy tuichakuére umi testígo de Jehová ohasa hetaiterei millón de óra opredikávo ha omboʼévo pe mensáhe de esperánsa oĩva la Bíbliape. Jesús heʼi vaʼekue ko mensáhe porãite oñemombeʼutaha ko yvy tuichakuére ou mboyve pe fin.

Koʼẽrõitéma umi umáno nogovernamoʼãvéima ko yvy ape ári. Péro nde ikatu hína rejesalva oñehundi vove ko múndo aña, ha eiko peteĩ paraísope ko yvy ape ári opromete haguéicha Ñandejára. Pe ótro artíkulo ohechaukáta mbaʼépa ikatu rejapo reime hag̃ua pe múndo pyahu iporãitévape.

OIKÓTAVA OU MBOYVEMI PE FIN

“Umi ára pahápe pe situasión ijetuʼúta ha ipeligrósota. Pórke umi hénte ojepyʼapýta ijehénte, iplatarayhúta, oñembotuicháta, oñemombaʼeguasúta, oñeʼẽ vaíta Ñandejárare ha hapicháre, naiñeʼẽrendumoʼãi ituakuérape, imalagradesídota, ombotavýta hapichápe, ndohayhumoʼãi ihéntepe, ndoikoporãsemoʼãi avavéndi, oñeʼẽ reíta ótrore, ndojejokokuaamoʼãi, isalváheta, ndaijaʼemoʼãi mbaʼeve iporãvare, itraisionérota, ikaprichósota, ijorgullósota, ojapóta chupekuéra ogustávante ohayhu rangue Ñandejárape, haʼetétavaicha oservíva Ñandejárape, péro hekovére ohechaukáta ndoikoiha upéicha” (2 TIMOTEO 3:1-5).

La Jesús heʼi vaʼekue umi ára paháre omeʼẽ ñandéve esperánsa

    Guaranimegua puvlikasionkuéra (2000-2026)
    Emboty sesión
    Emoñepyrũ sesión
    • guarani
    • Ekomparti
    • Configuración
    • Copyright © 2025 Watch Tower Bible and Tract Society of Pennsylvania
    • Ojejeruréva reipuru hag̃ua
    • Política de privacidad
    • Privacidad
    • JW.ORG
    • Emoñepyrũ sesión
    Ekomparti