MBAʼÉICHAPA IKATU OPA PE ÓDIO
1 | Ani emboyke avavépe
La Biblia omboʼéva:
‘Ñandejára otrata enterovépe peteĩchante, haʼe oguerohory entéro umi ojapóvape iporãva ha orrespetáva chupe ipyʼaite guive, tahaʼe haʼéva nasiónpe’ (HECHOS 10:34, 35).
Mbaʼépa heʼise ko téxto:
Ñandejára Jehováa ñandetrata porã enterovépe tahaʼe haʼéva ñande pire kolór, ñande país térã ñane kostúmbre. Chupe g̃uarã la iñimportantevéva hína mbaʼépa ñapensa ha mbaʼépa jareko ñane korasõme. Ha amo ipahápe upéva la ovaléva. La Biblia heʼi voi umanokuéra ‘ojesegiha la ohechávarente, péro Jehová ohechaha umi hénte korasõme oĩva’ (1 Samuel 16:7).
La ikatúva rejapo:
Ñande ndaikatúi jahecha mbaʼépa la hénte oreko ipyʼapýpe, péro ikatu ñañehaʼã jakopia Ñandejárape ha jatrata enterovépe peteĩchante. Nemanduʼa vaʼerã káda uno idiferenteha ótrogui, upévare eñehaʼãkena ani ehusgántema umi persónape. Rehechakuaáramo repensa vaiha hína umi héntere asegún ipire kolór térã ipaís, eñemboʼe Ñandejárape ha ejerure chupe tanepytyvõ eipeʼaite hag̃ua ne korasõgui upe sentimiénto vai (Salmo 139:23, 24). Sinséramente rejeruréramo Jehovápe ajúda ani hag̃ua remboyke avavépe, haʼe katuete ohendúta ne ñemboʼe ha nepytyvõta (1 Pedro 3:12).
a Jehová haʼe hína Ñandejára réra (Salmo 83:18).
“Núnka ndaguapýiva trankílamente añemongeta peteĩ vlánkondi […]. Koʼág̃a ahechakuaa aĩmaha peteĩ família ojoayhúvape, oĩhápe hénte oparupigua” (TITUS).