Jastudia hag̃ua

¿Mbaʼépa la iñimportantevéva jastudia?

Entéronte saʼi ñane tiémpo jastudia hag̃ua ñaneañoháme la Biblia. ¿Mbaʼépa ikatu ñanepytyvõ? Primero voi tekotevẽ jaaprovecha porã pe tiémpo ñamboykéva jastudia hag̃ua. Ikuentave jastudia porã álgo mbykýramo jepe, jaiko rangue jalee heta informasión apúrope.

Upéi jahecha vaʼerã mbaʼépa la iñimportantevéva (Efes. 5:15, 16). Ikatu jareko enkuénta koʼã konsého:

• Jalee la Biblia káda día (Sal. 1:2). Ñañepyrũ hag̃ua ikatu jalee umi kapítulo oñeanalisátava pe rreunión éntre semanaguápe.

• Jastudia rreunionrã pe Ñemañaha ha avei pe rreunión éntre semánape g̃uarã. Jajeprepara ñakomenta hag̃ua (Sal. 22:22).

• Ñañemotiémpo avei jahecha ha jalee hag̃ua umi ótra puvlikasión, por ehémplo umi rrevísta pára el púvliko, umi vidéo ha umi osẽva jw.org-pe.

• Ñainvestiga álgo ñaneinteresáva. Ikatu jaheka informasión oñeʼẽva peteĩ provléma jahasávare, álgo jaikuaaséva, térã peteĩ téma bíblico ñantende porãsevéva. Ikatu jatopave ótra suherénsia pe seksión héravape “Actividades para estudiar la Biblia” osẽva jw.org-pe.