Jastudia hag̃ua

Pemboʼe hag̃ua pene famíliape

Umi tuakuéra oreko la rresponsavilida omboʼévo ifamíliape Jehovágui (Efes. 6:4). Oipytyvõ hag̃ua tuakuérape, Jehová organisasión oguenohẽma heta artíkulo, vidéo ha músika. ¿Mbaʼéichapa ikatu peipuru koʼã mbaʼe pemboʼe hag̃ua pene famíliape?

• Peheka umi informasión jw.org-pe. Upépe oĩ entéro umi mbaʼe ojeprepara vaʼekue umi imitãvape g̃uarã, tahaʼe vidéo ha aktivida oñekompleta hag̃ua.a Petopa hag̃ua ikatu peskrivi “Mitãnguéra” térã “Mitãrusukuéra” pe párte heʼihápe “Eheka”. Umi aktivida ikatu petopa jw.org españólpe.

• Peiporavo umi ideprovéchotava pene famíliape. Pe párte heʼihápe “Mitãnguéra” oĩ heta puvlikasión ha ikatu peelehi umi oipytyvõtava pene famíliape. Upearã ikatu peheka heʼihápe “Ideas para la adoración en familia” jw.org españólpe.

• Pehasa tiémpo pene famíliandi. Ani peipuru koʼã vidéo térã umi aktivida umi mitã oreko hag̃uánte álgo ojapo vaʼerã. Upéva rangue pestudia koʼã informasión pene famíliandi ha peipytyvõ chupekuéra oñemoag̃ui hag̃ua Jehováre.