Umi mbaʼe vai oikóva umi gérrape

“Tódo el tiémpo ehecha oikoha desástre nde jerére, ehecha oĩha omanóva térã oñelastima vaietereíva. Núnka nereñeñandúi segúro” (Gary, Gran Bretaña).

“Ajejapíma che lómo ha che rovápe, ha ahecháma heta héntepe ojejukávo, umíva apytépe umi mitã mimi ha ijedávape. Umi gérra ñanembopyʼahatã” (Wilmar, Colombia).

“Álgienpe ojejapíramo ne renondépe, ndaikatúi nderesarái upévagui. Haʼete ku rehecha ha rehendu jey jeýva mbaʼéichapa pe persóna osapukái ha ipyahẽ. Núnka nanderesaráiri upévagui” (Zafirah, Estados Unidos).

“Añandu voi núnka ndavyʼamoʼãveimaha. Akyhyje ajejukárõ g̃uarã, péro la chemongyhyjevéva haʼe ojejukárõ g̃uarã che família ha che amigokuérape” (Oleksandra, Ucrania).

“Aforma vaʼerã kuri fíla akonsegi hag̃ua tembiʼu las 2 de la mañána guive las 11 de la nóche peve, ha umícha jave ningo akyhyjeterei hoʼárõ g̃uarã cherehe vála kaneʼõngue” (Daler, Tayikistán).

“Che tuakuérape ojejuka kuri gerrahápe ha apyta tyreʼỹ. Ndarekói ningo avave chekonsola vaʼerã ni oñangareko vaʼerã cherehe” (Marie, Ruanda).