Umi mbaʼe ikatúva rejapo relee hag̃ua la Biblia káda día

Enterovéva oreko heta mbaʼe ojapo vaʼerã, upévare ikatu ijetuʼu ndéve relee hag̃ua la Biblia káda día (Jos. 1:8). Oiméramo upéicha, ¿mbaʼérepa neretanteái rejapo koʼã mbaʼe?

• Emoĩ peteĩ rrekordatório káda diarã. Ekrea peteĩ rrekordatório ne teléfonope nemomanduʼa hag̃ua og̃uahẽ vove la óra relee hag̃ua nde Biblia.

• Eheja nde Biblia peteĩ lugár ikatutahápe rehecha. Oimérõ relee la Biblia en papél, emoĩ vaʼerã peteĩ lugár ikatutahápe rehecha reikokuévo (Deut. 11:18).

• Ehendu umi áudio de la Biblia. Káda día rejapokuévo nde kosakuéra ikatu rehendu umi áudio de la Biblia. Tara ningo peteĩ ermána ombaʼapóva pyharekue. Haʼe ningo sy ha avei prekursóra ha heʼi: “Che ahendu umi áudio de la Biblia ajapo jave umi tembiapo ogapypegua. Upéva chepytyvõ ani hag̃ua afalla che lektúra de la Bíbliape”.

• Eñehaʼãmbaitékena relee hag̃ua káda día. Avése ikatu oiko álgo rehaʼarõʼỹva ha ndaikatúi relee nde Biblia upe óra repensa haguépe. Upéicha jave ikatu relee unos kuánto versíkulo jepe eñeno mboyve. Michĩmi jepe releéramo, tuichaitereíma ideprovéchota ndéve (1 Ped. 2:2).