¿Mbaʼépa jajapo vaʼerã predikasiónpe oñatendéramo ñanderehe peteĩ mitã?

Peteĩ mitã oñatendéramo ñanderehe, ñaporandu vaʼerã chupe ndaipóripa isy térã itúa. Péicha jahechaukáta jarrespetaha ituakuérape (Pr 6:20). Péro pe mitã heʼíramo ñandéve jahasa hag̃ua, ndovaléi jaike. Itúa térã isy ndaikatúiramo oñatende ñanderehe, iporãvéta jaha jeýnte ótro día.

Oñatendéramo ñanderehe umi mitã tuichamiémava, tahaʼe umi orekómava trece térã catorce áño, lomímonte ñaporandu vaʼerã chupe ituakuérare. Ha ituakuéra ndaikatumoʼãiramo oñatende ñanderehe, ñaporandukuaa chupe ituakuérapa oheja chupe oiporavo umi mbaʼe oleétava. Oiméramo upéicha, ikatu jaofrese chupe peteĩ puvlikasión ha jahechauka chupe mbaʼéichapa ikatu oike ñande sítio jw.org-pe.

Jaháramo javisita jey peteĩ mitãrusu térã mitãkuña ñanerendu porã vaʼekuépe, ñaporandu vaʼerã chupe ndaikatuichénepa ñañeʼẽ ituakuérandi. Upéicha ikatúta jaexplika ituakuérape jahaha ñakomparti hag̃ua ifamíliandi heta konsého porã oĩva la Bíbliape, péicha haʼekuéra nopensavaimoʼãi ñanderehe (Sl 119:86, 138). Jahechaukáramo umi mitã tuakuérape jarrespetaha chupekuéra, okonfiavéta hikuái ñanderehe ha omeʼẽta avei ñandéve oportunida japredika hag̃ua chupekuéra (1Pe 2:12).