TESÓRO OĨVA ÑANDEJÁRA ÑEʼẼME | ISAÍAS 1-5
“Jaha jajupi Jehová montáñape”
“Umi ára pahápe” |
Ko ñane tiémpope. |
“Pe montáña oĩha Jehová róga” |
Pe adorasión verdadéra. |
“Upépe ohojoáta umi hénte oúva entéro paísgui” |
Umi oadoráva Jehovápe oĩ unído. |
“Jaha jajupi Jehová montáñape” |
Umi omombaʼeguasúva Jehovápe oinvita ótrope omoirũ hag̃ua avei chupekuéra pe adorasión verdadérape. |
“Haʼe oikuaaukáta ñandéve hape ha jaikóta haʼe oipotaháicha” |
La Biblia rupive Jehová ñanerekomboʼe ha ñanepytyvõ jaguata hag̃ua hapére. |
“Ndoikomoʼãvéima ojeprepara umi gerrarã” |
Isaías heʼi umi ármagui ojejapotaha umi erramiénta ojepurúva kokuépe. Péicha ohechauka Ñandejára siervokuéra ndoikomoʼãiha oiko vai avavéndi. ¿Mbaʼépa hína umi erramiénta ojepuru vaʼekue Isaías tiémpope? |
“Umi hénte ojapóta ijespádagui arádo” |
1 Arádo haʼe hína pe erramiénta oipurúva umi ombaʼapóva kokuépe ombohape hag̃ua pe yvy. Oĩ vaʼekue arádo ojejapóva metalguipaite (1Sa 13:20). |
“Ha ilánsagui ojapóta erramiénta ojepoda hag̃ua” |
2 Yma pe erramiénta ojepurúva ojepoda hag̃ua ojogua vaʼekue foisaʼípe ha haimbeterei. Upéva yma ojepuru vaʼekue ojepoda hag̃ua parrál (Is 18:5). |