Leksión 11

Elee ha eñeʼẽ kyreʼỹme

Hechos 18:24, 25

MBAʼÉPA HEʼISE: Eñeʼẽ vaʼerã kyreʼỹme emokyreʼỹ hag̃ua avei umi nerendúvape.

Eprepara ne korasõ. Ejeprepara hag̃ua ejepyʼamongeta vaʼerã mbaʼérepa iñimportánte pe erétava. Estudia porã vaʼerã pe informasión reime hag̃ua segúro reñeʼẽ jave.
Epensa umi nerendúvare. Repensa vaʼerã mbaʼeichaitépa ou porãta umi nerendúvape pe erétava térã releétava. Ejepyʼamongeta porã vaʼerã ejapo mboyve nde párte, upéicha umi nerendúva ontende porãta la remboʼeséva ha ohechakuaáta ideprovechotaha chupekuéra.
Ikyreʼỹ vaʼerã la nde párte. Eñeʼẽkena kyreʼỹme, avei nde rováre ha umi hésto rejapóvare tojekuaa umi mbaʼe reñandúva ha avei nesinseroha.

Ani rejapo siémpre peteĩ hésto meme, upéva ikatu odeskonsentra umi nerendúvape. Epensáma vaʼerã mbaʼe héstopa reipurúta rejapo jave nde párte. Avei kyreʼỹme reñeʼẽ vaʼerã remboʼéta vove umi mbaʼe iñimportánteva térã umi nerendúva ojapose hag̃ua la eréva. Péro anínte rehasa la rrája, pórke ikatu remonguerái umi nerendúvape.