ƐƐRA PODƆLEBA
ZASEŊƆ 12
Tara Sukpe’ene
Naresum Yele: ‘Kaam la ko’ɛnka nyuuŋo soŋɔ basɛ ti suure tara la nyɛɛma; bala mea ti zɔsonkɔ nyɛlum zɛ’ɛta ka’aŋɔ poan na.’—Mag. 27:9.
Yezu N Yuun Eŋɛ De Se’em
1. Bisɛ VIDIYO la bii kaalɛ Mark 10:17-22 ge nyaa geele soke ana wa:
Yezu yuun ta’an nyɛ la bem halesoma buntata la zɛ’an?
Beni n sɔi ti la yuun nara ti Yezu dekɛ sukpe’ene la nɔŋerɛ ka’am buraa la?
To Zamesɛ La Bem Yezu Zɛ’an?
2. La nari ti to nɔŋɛ to Baabule zamesegɔdoma la. La me dela to ni tɔɣɛ yelemɛŋɛrɛ la bo ba ti ba ta’an bɔkɛ bamam n nari ti ba eŋɛ sɛla ta’an ana du’a du’a la Yehowa.
Tɔɣesa Yezu
3. Soŋɛ ho zamesegɔdaana la ti a loe vo’osum poan yele tum.
a. Dekɛ “Mam Boti N Eŋɛ Sɛla” daka la n boi Tara Vom Somɔ Daarewoo! gɔŋɔ la poan la soŋɛ ho zamesegɔdaana la.
b. Soŋɛ ho zamesegɔdaana la ti a bɔkɛ yelese’a wana mɔpi n nari ti a eŋɛ ta’an tum eŋa n loe sɛla la.
d. Pɛ̃ɣɛ ho zamesegɔdaana la, la eŋa n nyɛti nɛŋa tɔlega la.
4. Mina yelese’a n gu’uri ho zamesegɔdaana la ti a ka nyɛta nɛŋa tɔlega ge nyaa soŋɛ en ti a ta’an nyɛta nɛŋa tɔlega.
Soke homea yeti:
‘Bem n gu’uri mam Baabule zamesegɔdaana la ti a ka bɔta ti a muse ko’om?’
‘Mam wan ta’an eŋɛ la bem soŋɛ en?’
Zusɛ Naayinɛ ti a bo ho sukpe’ene ti ho ta’an tɔɣɛ yelemɛŋɛrɛ la bo ho zamesegɔdaana la ti a baŋɛ eŋa n nari ti a eŋɛ sɛla ge me kelum mina ti ho nɔŋɛ en mɛ.
5. Da zamesa la sɛba n ka nyɛti nɛŋa tɔlega.
Geele soke ana wa ta’an baŋɛ nyaa ho Baabule zamesegɔdaana nyɛti nɛŋa tɔlega:
‘Mam zamesegɔdaana la tari sɛla ti a zamesa la tuna tuuma?’
‘A keni tansugere zamesegɔ ge me tɔɣera yelemɛŋɛrɛ la bɔ’ɔra nɛreba?’
‘Mam n zamesɛ la en ti la yue se’em wa, a boti a dɛna Yehowa Sɛɛradaana?’
Ho Baabule zamesegɔdaana san ka bɔta ti a nyɛta nɛŋa tɔlega:
Yele en ti a geele bisɛ sɛla n gu’uri en ti a ka nyɛta nɛŋa tɔlega la.
Tɔɣɛ gilema sore poan bo en ti a baŋɛ sɛla n sɔi ti la nara ti ya basɛ zamesegɔ la.
Basɛ ti a baŋɛ yelese’a n nari ti a eŋɛ ge ti ya nyaŋɛ le tɔ̃kɛ zamesegɔ la.