9 SIFRA, PUAH, AMRAM, YOKEBED, MIRIAM
‘Ba Sakerɛ La Zuo Ti Ba Suɣɛ Moses’
YOSEF n yuun ki la, la gaŋɛ yuun 60. Bala la, Egyptdoma la yuun tamɛ a yele mɛ. La boi bim ti Yehowa yuun doose la eŋa poan faaɛ Egyptdoma la kom poan basɛ. Napaalega n yuun soe bisa tiŋa la. A yuun yaɛ Israeldoma la mɛ ge ti a paleŋa yuun ɛ̃ɣera la ba. Yehowa n yuun kã’ari bɔ’ɔra Israeldoma la ti ba wi’ira. Bala n sɔi ti Egyptdoma la yuun namesa ge vɛɣena ba. Hali la bala za’a, ba yuun kelum wi’ira mɛ.
Faro yuun eŋɛ a puti’irɛ ti a tum la putoo. A yuun yi la Hebru pɔɣedɔɣeseba Sifra la Puah ti ba wa’an a zɛ’an na. Yeen ti’isɛ bisɛ lan yuun ani ba se’em, naba wa n tari paŋa la n yuun yele ba ti ba ku kɔnsɛba n de budibeto ti ba wan dɔɣesɛ la! Ge pɔɣesi wa n tari sukpe’ene la, yuun “zote Yenɛ” mɛ. Ba yuun mi ti nɛra ka boi n wan ta’an basɛ ti ba kan nana Yehowa n de saazuo, la tingɔŋɔ wa Bisegadaana la. Ban yuun zoti Naayinɛ la n yuun basɛ ti ba dekɛ sukpe’ene tum tuuma. “Ba ka sakɛ eŋɛ naba la n yele ba se’em la” ge ba yuun tuɣum dɔɣesa kɔma la mɛ. Ba yuun nyaŋɛ faaɛ la kɔma zo’e zo’e basɛ. Faro sunsɔa n yuun nyie ge ba yuun ka basɛ ti a baŋɛ ban iti sɛla la. Yehowa yuun nyɛ pɔɣesi wa n iti sɛla la mɛ. Bala zuo la, Naayinɛ ‘nu’o n yuun paɣɛ ba zuo.’ Pooren, Naayinɛ yuun basɛ ti pɔɣesi wa dɔɣɛ la bamea kɔma.
Pɔɣedɔɣeseba la, Moses dɔɣereba, la a tã la yuun san ka eŋɛ ni pa’alɛ ti ba tari sukpe’ene, bem n yuun ta’an paɛ ni Moses?
Faro n yuun baŋɛ ti a puti’irɛ la ka tum la, a yuun le maasum ti a tum la putoo. A yuun yele Egyptdoma la ti ba dekɛ Israel kɔnsɛba n de budibeto la basɛ Nile Kulaa la poan! La yuun dela biɣi biɣi saŋa. Amram la a pɔɣa Yokebed n de Hebrudoma la yuun nari ti ba kɔ’ɛ ba puti’irɛ yele wa poan. Ba yuun puɣum tara la kɔma bayi n de Miriam la Aron. Ge Yokebed n yuun le nyɔkɛ puurɛ la, eŋa la Amram yuun mi ti bia la san dɛna budibela, dɛŋa wan paɛ en. Ban yuun dɔɣɛ bia la, ba yuun tiregɛ mɛ bisɛ ba wan eŋɛ se’em suɣɛ bia la. Ge la daɣɛ naana ti ho suɣɛ bia. Bia la n yuun de ŋmaresi sitã la, Yokebed yuun dekɛ la pi’ɔ, takɛ ku la sĩ’iro ge dekɛ bia la eŋɛ ku poan. A yuun tari ku ta yaɣelɛ la kulekãtema n boi Nile Kulaa la nɔgbene. A bipugela Miriam yuun ze la kinkɛleŋa ge bisera sɛla n wan paɛ a suɔ la.
Pooren ti Faro poyua yuun sige Nile kulaa la ti a ta sɔ ge nyɛ pi’ɔ n boi ko’om la poan, nyaa tum a pɔsɔɔ ti a keŋɛ ta dekɛ pi’ɔ la. Faro poyua la n vuke pi’ɔ la, a nyɛ la bia n de budibela n kaaseri ti nimbu’ɔ nyɔkɛ en. A yuun kɔ’ɛ a puti’irɛ ti a wan uge bia la. Ge a yuun mi ti la nari ti a ee pɔka ti a bisera bia la bɔ’ɔra en. Bilam bilam ti Miriam dekɛ sukpe’ene zɔ kalam keŋɛ Faro poyua la zɛ’an ta yele en ti eŋa wan ɛ nɛra ti a bisa bia la, ti Faro poyua la me sakɛ. Miriam keŋɛ ta doose la amea ma wa’ana. Yeen bisɛ Yokebed puurɛ n yuun pee se’em la eŋa n yuun baŋɛ ti a wan bisera amea bia la ti Egyptdoma kan ku en ge ti ba le yɔɔra en pa’asa! Eŋa la Amram yuun tiregɛ mɛ pa’ala bia la Yehowa yɛla. Ge bia la n yuun zo’ori la, la yuun nari ti ba tari en lebe ta bo Faro poyua la. Faro poyua la yuun siɣɛ en la Moses.
Yehowa yuun kã bo Amram, Yokebed, la Miriam la ban yuun tari sakerɛ, la sukpe’ene se’em la? Ɛɛ! Amram la Yokebed yuun pa’alɛ Miriam la Aron ti ba tara la nɔŋerɛ bɔ’ɔra Yehowa. Ba puurɛ yuun pee mɛ la ba kɔma wa n yuun pu’useri Yehowa la. Ba me yuun baŋɛ ti Yehowa n te’ele Moses. Baabule la ka pa’alɛ nyaa Moses dɔɣereba yuun nyɛ eŋa n yuun ta zo’e kutɛ ge tum tunse’a la. (Yɛh. 6:20) Ge Miriam la Aron yuun nyɛ Yehowa n doose Moses poan tum tunkiresi se’em. Bamam batã la za’a yuun eŋɛ pa’alɛ ti ba tari la sakerɛ, la sukpe’ene. Zuo sɛka n taɣelɛ la poan, to wan zamesɛ baŋɛ yelese’a n yuun le eŋɛ Moses vom poan, la sɛla n sɔi ti a yuun kɔ’ɛ a puti’irɛ ti a pu’usa Yehowa.
Kaalɛ Baabule zɛ’ɛsi wa:
Sɔsɛ ya sokere wa:
Pɔɣedɔɣeseba la, la Moses deodoma yuun eŋɛ la wani pa’alɛ ti ba tari sukpe’ene?
Viisɛ Pa’asɛ
1. Sɛba n tũ’uri tiŋa viisa yɛla la yeti bem ti la pa’alɛ ti yele wa dela yelemɛŋɛrɛ? (g04-E 4/8 4 ¶4–5 ¶1)
2. Gɔnmi’ileba tɔɣɛ Faro n yuun bo nɔɔrɛ ti ba ku Hebrudoma kɔma, la Egyptdoma n yuun tari pi’ɔ tuna tuuma se’em yele la wani ti la pa’alɛ ti Baabule la n tɔɣɛ sɛla la dela yelemɛŋɛrɛ? (g04-E 4/8 6 ¶1-2) Bisɛ foote A
Christine Osborne Pictures/Alamy Stock Photo
Foote A: Hali ta paɛ zina beere wa, ba kelum tara bumbu’uma maala ɔɔrenɔ mɛ
3. To mi Hebru pɔɣedɔɣeseba la yele la wani ge Yehowa yuun kã bo ba la wani? (w03-E 11/1 8 ¶3-4; it-E “Midwife”) Bisɛ foote B
Foote B
4. Miriam yuun eŋɛ la bem pa’alɛ ti a tari la sakerɛ ta paɛ a kuregerɛ poan? (ijwia-E zaseŋɔ 7 ¶14-18)
Ti’isɛ Hon Wan Dekɛ Tum Tuuma Se’em
Dɔɣereba wan ta’an zamesɛ la bem Amram la Yokebed yele la poan?
Miriam n yuun de bia la, a yuun eŋɛ la sɛla n ani soŋa. Suurɔ wan ta’an zamesɛ la bem? Bisɛ foote D
Foote D
Ho wan eŋɛ la wani ta’an tɔɣesa Sifra la Puah sukpe’ene la?
Ti’isɛ Taɣesɛ Yehowa Yele
Baabule yele wa pa’alɛ mam ti Yehowa ani la wani?
Baabule yele wa makɛ la Yehowa puti’irɛ la wani?
Yehowa san ta isige Sifra, Puah, Amram, Yokebed, la Miriam kum poan, mam wan soke ba la bem?
Zamesɛ Yɛla Pa’asɛ
To san zamesɛ pɔɣesɛba n yuun zaɣesɛ Faro nɔɔrɛ la yele, la wan soŋɛ to la wani?
“Women Who Made Jehovah’s Heart Rejoice” (w03-E 11/1 8-9 ¶3-5)
Bem n pa’alɛ ti Yehowa wan kelum soŋera sɛba n tari sukpe’ene ge nana eŋa gana asaala la?