To Kumesɛ Tomea Na’am Mɔɔlegɔ Poan​—Se’em Ma’a Ti La Nara Ti To Basɛ To Baabule Zamesegɔ Daana Zamesegɔ

LA YELE N PAKƐ SE’EM: Nɛreba dela ba tara Yehowa yu’urɛ la tuna tuuma ta’an nyɛ nyɔvore. (Arom 10:13, 14) Ge, daɣɛ nɛra woo n zameseri Baabule la n wan sakɛ dekɛ Yehowa pa’alegɔ la tum tuuma. To tari to saŋa la mɛ tuna soŋa na’am mɔɔlegɔ poan ta’an soŋera sɛba n boti ba eŋɛ teere ti Yehowa puurɛ pee la. To san pa’ala to Baabule zamesegɔ daana ta paɛ sansɛka ge ti a ka nyɛta nɛŋa tɔlega, to wan doose yɛm sore poan basɛ zamesegɔ la ge tuɣum soŋɛ sɛba n boti ba lɛm Yehowa ge ti a tara ba pa’asa a tigere la. (Yon 6:44) Ge pooren, nɛra la san tee ge eŋɛ pa’alɛ ti a boti a “tara vom sebo n ka tare ba’ahegɔ,” to puurɛ wan pee ti to le malum pa’ala en Baabule la.​—Tm 13:48.

TO WAN EŊƐ DE SE’EM:

• Pɛɣɛ Baabule zamesegɔ daana la, la eŋa n boti a zamesɛ yelemɛŋɛrɛ la.​—1Ti 2:4

• Basɛ ti a baŋɛ la de ninmɔ’ɔrɛ se’em ti a dekɛ sɛla ti a zamesa la tum tuuma.​—Lu 6:46-49

• Sɔsɛ la en gilema sore poan doose Yezu makerɛ la n tɔɣeri kaara la yele la ge soke yelese’a n gu’uri en ti a ka nyɛta nɛŋa tɔlega.​—Mt 13:18-23

• Doose yɛm sore poan yele en sɛla n sɔi ti ho wan basɛ zamesegɔ la

• Basɛ ti a baŋɛ ti ho wan kelum yibesa kena kaara en ti a giila kpemese ti a san eŋɛ teere, ho wan le tɔ̃kɛ zamesegɔ la

BISƐ VIDIYO LA GE LEBESE SOKE ANA WA:

• Hon zamesɛ la bem vidiyo la poan n pa’alɛ ti Baabule zamesegɔ daana la ka nyɛti nɛŋa tɔlega?

• Na’am mɔɔlegɔ daana la soŋɛ Baabule zamesegɔ daana la wani ti a baŋɛ ti la nari ti a eŋɛ teere?

• Na’am mɔɔlegɔ daana la eŋɛ la wani bo en yɔ’ɔ ti ba wan ta’an le malum ita zamesegɔ la pooren?