Be Hiẹ Flin Ya?

Be a duvivi zinjẹgbonu Atọ̀họ̀-Nuhihọ́ lọ Tọn agọe tọn lẹ hihia tọn ya? Pọ́n eyin a sọgan na gblọndo na kanbiọ he bọdego helẹ:

• Angẹli tẹwẹ Jiwheyẹwhe dohlan Islaelivi lẹ nukọn to whenue e plan yé sọn Egipti? (Eks. 23:20, 21)

E sọgbe hẹ lẹnpọn dagbe nado yise dọ angẹli he tindo ‘oyín Jehovah tọn to ewọ mẹ’ lọ wẹ Viplọnji Jiwheyẹwhe tọn he wá lẹzun Jesu to nukọn mẹ.—15/9, weda 21.

• Na nuhe dù sinsẹ̀n-bibasi nugbo, whẹjijọ tẹlẹ wẹ Jiwheyẹwhe ma nọ kẹalọyi?

‘E vẹawu hugan. E ma jlo mi. Alọnu ṣie ján hugan. N’ma pegan. Mẹde wẹ hẹn mi gblehomẹ.’ Ehelẹ ma yin whẹjijọ he sọgbe he mí sọgan na ma nado hẹn gbedide Jehovah tọn lẹ di. 15/10, weda 12-15.

• Etẹwẹ yin delẹ to aliho he mẹ hiẹ sọgan hẹn opli lẹ yin mẹhẹnlodo tọn na dewe podọ na mẹdevo lẹ te mẹ?

Nọ wleawudai jẹnukọn. Nọ yì to gbesisọ mẹ. Nọ yì do gànmẹ. Nọ hẹn owe he na yin yiyizan lẹ. Nọ dapana ayihafẹsẹnamẹnu lẹ. Nọ tindo mahẹ. Gblọndo towe lẹ ni nọ nọ̀ glido. Nọ hẹn azọ́ndenamẹ towe lẹ di. Nọ pà mahẹ-tindotọ lẹ. Nọ dọnudo gbẹtọ lẹ jẹnukọnna opli lẹ podọ to opli lẹ godo.—15/10, weda 22.

• Etẹwẹ mí sọgan plọn sọn lehe Aalọn joawuna kọgbidinamẹ hagbẹ tọn do mẹ?

To whenue Mose ma tin to finẹ, Islaelivi lẹ biọ to Aalọn si nado basi yẹwhe de na yé. E jogbe bo wàmọ. Ehe dohia dọ e ma yin jọja lẹ kẹdẹ wẹ nọ pehẹ kọgbidinamẹ hagbẹ tọn. E tlẹ sọgan yinuwado mẹhomẹ he jlo na wà nuhe sọgbe ji. Mí dona nọavùnte sọta kọgbidinamẹ hagbẹ tọn.—15/11, weda 8.