ZINJẸGBONU OPLỌN TỌN

Hosọ ehe na hẹn ẹn họnwun dọ Jehovah yin Ahọlu to whepoponu bo na do lehe e ko yí aṣẹpipa etọn zan do nudida olọn mẹ tọn po aigba ji tọn etọn lẹ po ji do hia. E nasọ na tuli mí nado hodo apajlẹ mẹhe de to hohowhenu nado sẹ̀n Jehovah, yèdọ Ahọlu madopodo lọ lẹ tọn.

Hosọ ehe na yidogọna pinpẹn-nutọn-yinyọnẹn mítọn na nuhe Ahọluduta Mẹsia tọn ko wadotana to owhe 100 he e ko tin-to-aimẹ na lẹ gblamẹ. E nasọ na tuli dopodopo mítọn nado yin mẹjidugando nugbonọ Ahọluduta lọ tọn lẹ, podọ e na whàn mí nado lẹnayihamẹpọn do nuhe hosọ owhe 2014 tọn mítọn zẹẹmẹdo to gigọ́ mẹ ji.

Etẹwẹ yẹn na yí gbẹzan ṣie do wà? Kanbiọ titengbe de wẹ ehe yin na mẹdepope he ko klan ede do wiwe na Jehovah. To hosọ ehelẹ mẹ, mí na dọhodo nunọwhinnusẹ́n he sọgan deanana jọja Klistiani lẹ nado sẹ̀n Jiwheyẹwhe to gigọ́ mẹ lẹ ji, gọna dotẹnmẹ he hundote na Klistiani he ko tindo mẹhowhe lẹ nado gbloada na lizọnyizọn yetọn.

To egbehe, ninọmẹ aihọn tọn kavi afọdidona yanwle mẹdetiti tọn lẹ nọ fẹayihasẹna mẹsusu. Hosọ ehe dọhodo kunnudenu atọ̀n he nọ gọalọna Klistiani lẹ nado deji dọ Ahọluduta Jiwheyẹwhe tọn na hẹn titonu ylankan ehe wá opodo to madẹnmẹ lẹ ji.