Nuhe Na Yin Didọ Gando Linlinnamẹwe lẹ Go

Atọ̀họ̀-Nuhihọ́ lọ Tọn Avril-Juin

“Whẹpo mí nado kẹalọyi nuhe Jesu plọnmẹ lẹ bo yí yé sè, mí dona yọ́n omẹ nankọ he ewọ yin. Mẹnu wẹ hiẹ lẹndọ Jesu yin na taun tọn podọ etẹwẹ yin lẹndai etọn to gbẹ̀mẹ? [Jotẹnna gblọndo. Enẹgodo hia Johanu 3:18.] Hosọ ehe na gọalọna we nado yọ́n omẹ nankọ he Jesu yin po nuhe yin lẹndai etọn to gbẹ̀mẹ po.” Ze hosọ he tin to weda 5tọ ji donukọnnamẹ.

***

“Mímẹpo wẹ nọ yọ́n pinpẹn nunina họakuẹ de tọn, ṣigba be hiẹ yọ́n nunina daho hugan he Jiwheyẹwhe po Jesu po na gbẹtọvi lẹ ya? [Jotẹnna gblọndo. Enẹgodo hia Johanu 3:16.] Hosọ ehe basi zẹẹmẹ do nuhe Jiwheyẹwhe po Klisti po namẹ ji podọ do nuhe mí dona wà nado sọgan mọ nunina enẹ yí ji.” Ze hosọ he tin to weda 11tọ ji donukọnnamẹ.

Réveillez-vous! Juin

“Ṣọṣi lẹ nọ saba biọ akuẹ na baptẹm, hùnwhẹ alọwle tọn, po ṣiọdidi po. Be hiẹ lẹndọ ehe sọgbe ya? [Jotẹnna gblọndo.] Pọ́n anademẹ he Jesu na devi etọn lẹ. [Hia Matiu 10:7, 8b.] Hosọ ehe do nuhe Biblu dọ gando akuẹ bibiọ na hùnwhẹ sinsẹ̀n tọn lẹ go hia.” Ze hosọ he bẹsọn weda 22tọ ji donukọnnamẹ.

Réveillez-vous! Juillet

“To egbehe, ninọmẹ akuẹzinzan tọn ko hẹn ayimajai susu wá. Mẹhe azọ́n gbledo lẹ nọ jẹflumẹ, podọ mẹhe to azọ́nwa lẹ nọ to budi dọ azọ́n sọgan gbledo yé. Be hiẹ lẹndọ ayinamẹ ehe sọgbe bo sọgan gọalọna mí nado pehẹ ninọmẹ lọ ya? [Hia Matiu 6:34. Enẹgodo jotẹnna gblọndo.] Linlinnamẹwe ehe na ayinamẹ yọ́n-na-yizan lẹ gando lehe mí sọgan zan akuẹ mítọn to aliho dagbe mẹ bo duto numọtolanmẹ mítọn lẹ ji do go.”