Nuhe Na Yin Didọ Gando Linlinnamẹwe lẹ Go

Atọ̀họ̀-Nuhihọ́ Lọ Tọn Avril-Juin

“Owe delẹ dọ dọ Jesu ma kú dile Biblu dọ do gba, ṣigba dọ e wlealọ bosọ ji ovi lẹ. Be hiẹ ko sè enẹ pọ́n ya? [Jotẹnna gblọndo.] Nujọnu wẹ e yin nado yọ́n nugbo lọ. [Hia Johanu 17:3.] Hosọ ehe na whẹwhinwhẹ́n he wutu mí dona dejido nuhe Biblu dọ gando Jesu go lẹ go.” Ze hosọ he bẹsọn weda 26tọ ji donukọnnamẹ.

***

Hia Matiu 6:9, 10. Enẹgodo kanse dọmọ: “Etẹwẹ Ahọluduta he go Jesu donù to odẹ̀ ehe mẹ yin, podọ etẹwẹ e na wà na gbẹtọvi lẹ? [Jotẹnna gblọndo.] Hosọ ehe basi zẹẹmẹ do adà voovo Ahọluduta lọ tọn po nuhe e na wadotana lẹ po ji.” Ze hosọ he bẹsọn weda 8tọ ji donukọnnamẹ.

Réveillez-vous! Avril

Hia Psalm 37:9-11. Enẹgodo kanse dọmọ: “Nawẹ hiẹ lẹndọ ogbẹ̀ lọ mẹ na te to whenuena dọdai ehe na mọ hẹndi? [Jotẹnna gblọndo.] Hosọ ehe dlẹnalọdo dọdai tulinamẹ tọn ehe bo basi zẹẹmẹ do nuhewutu kanyinylan do gbayipe to egbehe sọmọ ji.” Ze hosọ he bẹsọn weda 20tọ ji donukọnnamẹ.

Réveillez-vous! Mai

“Mẹsusu wẹ nọ jlo na doalọtena azọ̀ nùnù ṣigba e nọ vẹawuna yé taun nado wàmọ. Be hiẹ yọ́n mẹde he jlo na wàmọ ya? [Jotẹnna gblọndo.] Mẹdelẹ ko mọdọ godonọnamẹ họntọn po hagbẹ whẹndo tọn lẹ po tọn nọ gọalọ taun. [Hia Yẹwhehodọtọ 4:12a.] Linlinnamẹwe ehe slẹ ayinamẹ yọ́n-na-yizan delẹ he sọgan gọalọna mẹde nado doalọtena azọ̀ nùnù.”