Nuzedonukọnnamẹ Lẹ

Nado Bẹ Plọnmẹ Biblu lẹ Jẹeji to Sibigbe Tintan Osun Avril Tọn

“Baptẹm yin nuyiwa de he gbayipe to Klistiani susu ṣẹnṣẹn. Kavi e ma yin mọ wẹ? Be dandan wẹ e yin dọ yè ni yí baptẹm ya? [Jotẹnna gblọndo.] Hosọ ehe dọhodo nuhe fọnjlodotenamẹ delẹ ji.” Ze vọkan Atọ̀họ̀-Nuhihọ́ lọ Tọn avril-juin tọn dopo na whétọ lọ bo gbadopọnna nudọnamẹ he tin to hóvila tintan glọ to weda 16 ji hẹ ẹ gọna e whè gbau dopo to wefọ he yin dide lẹ mẹ. Ze linlinnamẹwe lọ lẹ donukọnnamẹ bo basi tito nado lẹkọwa nado gbadopọnna gblọndo kanbiọ he bọdego tọn.

Atọ̀họ̀-Nuhihọ́ lọ Tọn Avril-Juin

“Linlẹn voovo wẹ gbẹtọ lẹ tindo gando Jesu go. Mẹdelẹ lẹndọ ewọ wẹ Mẹsia dopagbe lọ. Mẹdevo lẹ nọ dọ dọ gbẹtọ dagbe de poun wẹ ewọ yin. Ṣigba, mẹdevo lẹ yise dọ e ma tlẹ nọgbẹ̀ pọ́n. Etẹwẹ hiẹ lẹn? [Jotẹnna gblọndo.] Sọgbe hẹ nuhe Biblu dọ, onú titengbe wẹ e yin nado yọ́n nugbo lọ gando Jesu go. [Hia Johanu 17:3.] Linlinnamẹwe ehe do gblọndo Biblu tọn na kanbiọ he mẹsusu nọ kanse yede gando Jesu go lẹ hia.”

Réveillez-vous! Avril

“Mí to hodọdopọ hẹ gbẹtọ lẹ to egbé do gbẹzan whẹndo tọn ji. Be mì ma doayi e go dọ whẹndo lẹ nọ pehẹ avùnukundiọsọmẹnu susu to egbehe ya? [Jotẹnna gblọndo.] Mì gbọ mí ni pọ́n fie whẹndo susu ko mọ ayinamẹ yọ́n-na-yizan lẹ te. [Hia Psalm 119:105.] Linlinnamẹwe ehe dọhodo lehe nunọwhinnusẹ́n Biblu tọn lẹ hihodo ko gọalọna whẹndo-mẹgopọntọ lẹ nado duto avùnnukundiọsọmẹnu vonọtaun he yé nọ pehẹ lẹ ji do ji.”