“N’Na Yí Owe Mìtọn Eyin Mì Na Yí Yẹnlọsu Tọn”

Nuhe whétọ delẹ nọ dọ niyẹn. Na mí ma nọ yí owe sinsẹ̀n tọn he bẹ nuplọnmẹ lalo hẹn lẹ to whétọ lẹ si na yé nido kẹalọyi owe mítọn lẹ wutu, nawẹ mí na yí zinzin do na gblọndo gbọn? (Lom. 1:25) Mí sọgan dọmọ: “Mì wanu taun. Etẹwẹ owe ehe dọ gando pọngbọ na nuhahun gbẹtọvi lẹ tọn go? [Jotẹnna gblọndo. Eyin ewọ dọna we dọ a na mọ gblọndo lọ eyin a hia owe lọ, a sọgan dọna ẹn dọ whẹpo emi do ze owe mítọn donukọnna ẹn, emi dọ nuhe e bẹhẹn lẹ na ẹn whẹ́. Enẹgodo, hia kavi dọ nuhe tin to Matiu 6:9, 10 mẹ.] Jesu dohia dọ Ahọluduta Jiwheyẹwhe na hẹn ojlo Jiwheyẹwhe tọn ṣẹ to aigba ji. Enẹwutu, owe sinsẹ̀n tọn he zinnudo Ahọluduta Jiwheyẹwhe tọn ji lẹ kẹdẹ wẹ n’nọ hia. Be n’sọgan do onú tangan delẹ he Ahọluduta Jiwheyẹwhe tọn na wà hia mì sọn Biblu mẹ ya?”