Oylọ-Basinamẹwe Oflin Tọn Mimá Na Bẹjẹeji to 22 Mars

To owhe ehe mẹ, nujijla lọ nado basi oylọna mẹdevo lẹ wá hùnwhẹ Oflin tọn na bẹjẹeji to Sibigbe 22 mars. Mẹlẹpo wẹ yin tulina nado tindo mahẹ gigọ́ to e mẹ. To sẹfifo lẹ, mí nasọ ze linlinnamẹwe yọyọ lẹ donukọnnamẹ eyin e biọ domọ. To Sibigbe tintan avril tọn, oylọ-basinamẹwe lọ lẹ mimá wẹ mí na na ayidonugo kakati nido yin plọnmẹ Biblu lẹ bibẹjẹeji. Ṣigba, eyin mí dukosọ hẹ mẹde he do ojlo nujọnu tọn hia, mí sọgan tẹnpọn nado bẹ plọnmẹ Biblu de jẹeji. Nugopọntọ sinsẹ̀nzọn tọn sọgan dọ eyin oylọ-basinamẹwe lọ lẹ mimá to kunnudide gbangba tọn mẹ na gọalọ nado mọ mẹsusu dogọ to aigba-denamẹ lọ ji. Kàn yinkọ hẹnnumẹ, azọ́nwatọgbẹ́, wehọmẹvigbẹ́, gọyìpọn, po mẹyọnmẹ he a jlo na basi oylọna lẹ po tọn dai bẹsọn din. Podọ to whenue nujijla lọ na bẹjẹeji, yí oylọ-basinamẹwe lọ na yé. Mí to nukundo dọ mẹsusu na kọnawudopọ hẹ mí to hùnwhẹ dohia owanyi tọn daho hugan awe ehelẹ tọn whenu.—Joh. 3:16; 15:13.