Nuzedonukọnnamẹ Lẹ

Nado Bẹ Plọnmẹ Biblu lẹ Jẹeji to Sibigbe Tintan Osun Décembre Tọn

“Mí to linlẹn gbẹtọ lẹ tọn kanse gando kanbiọ titengbe de go. Be mì lẹndọ mí dona nọ hodẹ̀ hlan angẹli lẹ to whenue mí pehẹ nuhahun gbẹ̀mẹ tọn lẹ wẹ ya?” [Jotẹnna gblọndo.] Do kanbiọ tintan lọ hia to wepa godo tọn Atọ̀họ̀-Nuhihọ́ lọ Tọn octobre-décembre tọn ji bo gbadopọnna nudọnamẹ he tin to hukan awetọ lọ mẹ lẹ po dopo to wefọ he yin dide lẹ mẹ po. Ze linlinnamẹwe lọ lẹ donukọnna ẹn bo basi tito nado lẹkọwa nado dọhodo hosọ devo ji.

Atọ̀họ̀-Nuhihọ́ lọ Tọn Octobre-Décembre

“To paa mẹ, gbẹtọvi lẹ nọ jlo gandudu dagbe de he sọgan hẹn pọngbọ wá na nuhahun yetọn lẹ. E sọgan yin nukunpedomẹgo dotowhé tọn kavi azọ́nmamọwa. Be mì lẹndọ gandudu de tin he sọgan hẹn ẹn yọnbasi na gbẹtọvi lẹ nado tindo agbasalilo dagbe podọ azọ́n dagbe de nado wà ya? [Jotẹnna gblọndo.] To whenue Jesu to aigba ji, e dọ̀n ayiha gbẹtọ lẹ tọn wá gandudu kavi Ahọluduta Jiwheyẹwhe tọn ji. E tlẹ plọn gbẹtọ lẹ nado nọ hodẹ̀ na Ahọluduta enẹ. [Hia Matiu 6:10.] Linlinnamẹwe ehe zinnudo dona susugege he gbẹtọvi lẹ na duvivi etọn to Ahọluduta Jiwheyẹwhe tọn glọ lẹ ji.”

Réveillez-vous! Décembre

“Mí wá mì dè nado dọho hẹ mì do nuhahun agbasamalo tọn he mẹsusu to pipehẹ de ji. Sọgbe hẹ linlin Titobasinanu Aihọn Tọn Na Agbasalilo, gbẹtọ dopo to ẹnẹ ji na jiya apọṣimẹ sinsinyẹn tọn to gbẹzan etọn mẹ. Be mì lẹndọ apọṣimẹ sinsinyẹn to gbigbayipe to ojlẹ mítọn mẹ wẹ ya? [Jotẹnna gblọndo.] Biblu na mí jide dọ to sọgodo, gbẹtọvi lẹ na vò sọn azọ̀n po awufiẹsa po si to aigba ji. [Hia Osọhia 21:3, 4.] Linlinnamẹwe ehe zinnudo onú delẹ he dopodopo mítọn dona yọnẹn gando apọṣimẹ sinsinyẹn go ji.”