Owanyi Nọ Dohiagona Klistiani Nugbo lẹ​—Gbẹ́ Ṣejannabi po Homẹgble Aplà po Dai

NUHEWUTU E DO YIN NUJỌNU: Jesu dọ dọ owanyi wẹ na dohiagona devi emitọn lẹ. (Joh 13:34, 35) Nado do owanyi Klisti tọn nkọ hia, mí dona nọ dín ale mẹdevo lẹ tọn bo ma na nọ gblehomẹ aplà.—1Kọ 13:5.

LEHE MÍ SỌGAN WÀMỌ DO:

• Eyin mẹde dọ kavi wà nude he vẹna we, yiagbọji bo lẹnnupọndo adọ̀ nuhahun lọ tọn ji gọna kọdetọn nuhe a to linlẹn nado wà tọn.—Hwh 19:11

• Flindọ mímẹpo wẹ yin mapenọ, bọ to whedelẹnu, mí nọ dọ kavi wà nudelẹ he nọ wá vẹna mí

• Nọ didẹ gbemanọpọ lẹ madọngbàn

PỌ́N VIDEO LỌ “MÌ TINDO OWANYI TO MÌDELẸ ṢẸNṢẸN”—GBẸ́ ṢEJANNABI PO HOMẸGBLE APLÀ PO DAI, ENẸGODO NA GBLỌNDO NA KANBIỌ HE BỌDEGO LẸ:

• Nawẹ Mẹmẹsunnu Zinsu yinuwa to aliho he ma sọgbe mẹ gando linlẹn Mẹmẹsunnu Alihonu tọn go te?

• Nawẹ agbọ́ji yìyì nado lẹnnupọn gọalọna Mẹmẹsunnu Alihonu ma nado gblehomẹ aplà gbọn?

• Nawẹ aliho he mẹ Mẹmẹsunnu Alihonu yí homẹfa do dọho te glọnalina whẹgbè he gán ko fọ́n gbọn?