Owanyi Nọ Dohiagona Klistiani Nugbo lẹ—Wlebòna Pọninọ Mítọn

NUHEWUTU E DO YIN NUJỌNU: To ozán he jẹnukọnna okú Jesu tọn mẹ, e hodẹ̀ dọ devi etọn lẹ ni “tin to kọndopọ mlẹnmlẹn” mẹ. (Joh 17:23, Odò.) Nado gbọṣi kọndopọ mẹ, mí dona nọ do owanyi hia, yèdọ jẹhẹnu de he “ma nọ basi kandai nuṣiwa tọn.”—1Kọ 13:5.

LEHE MÍ SỌGAN WÀMỌ DO:

• Nọ hodo apajlẹ Jehovah tọn bo nọ mọ dagbe he wà mẹdevo lẹ te

• Nọ jonamẹ sọn ojlo mẹ wá

• To whenue mì ko dọho de gbò, masọ nọ lẹkọwa e ji blo.—Hwh 17:9

PỌ́N VIDEO LỌ “MÌ TINDO OWANYI TO MÌDELẸ ṢẸNṢẸN”—MA NỌ BASI KANDAI NUṢIWA TỌN BLO, ENẸGODO NA GBLỌNDO NA KANBIỌ HE BỌDEGO LẸ:

• To apá tintan video lọ tọn mẹ, nawẹ Mautin dohia dọ emi ‘to kandai nuṣiwa tọn basi’ gbọn?

• To apá awetọ video lọ tọn mẹ, nawẹ Mautin duto nulẹnpọn agọ̀ etọn ji bo wleawuna pọndohlan dagbe gbọn?

• To godo mẹ, nawẹ Mautin wá yidogọna pọninọ agun lọ tọn gbọn?