Nọ Bayi Hihọ́na Alọwle Towe

Onú vivẹ́ taun wẹ opà alọwle tọn yin to Jehovah dè. Enẹwutu, e dọ dọ asu po asi po dona sẹbọdo ode awetọ go. (Mt 19:5, 6) Alọwle kọdetọn dagbenọ susu lẹ wẹ tin to omẹ Jiwheyẹwhe tọn lẹ ṣẹnṣẹn. Amọ́ nuhahun nọ wá fọ́n to whedelẹnu, na alọwle pipé de ma tin. Etomọṣo, e ma yin kinklan kavi gbẹdai wẹ nọ gbọ nuhahun lẹ, dile mẹsusu nọ lẹn do to aihọn mẹ. Etẹwẹ Klistiani lẹ gán nọ wà nado bayi hihọ́na alọwle yetọn?

Onú titengbe atọ́n delẹ die.

1. Nọ họ́ ahun towe bo nọ dapana aihun gblewa tọn po ayidedai mawé lẹ po, na walọ ehelẹ nọ hẹn alọwle gble.—Mt 5:28; 2Pi 2:14.

2. Nọ hẹn haṣinṣan towe hẹ Jiwheyẹwhe lodo, bo magbe nado hẹn homẹ etọn hùn to alọwle towe mẹ.—Slm 97:10.

3. Nọ to gbẹtọ-yinyin yọyọ lọ yí dogo, bo nọ wanu flinflin delẹ he na hẹn homẹ alọwlemẹ towe tọn hùn.—Kol 3:8-10, 12-14.

4. Nọ yí ahundopo do dọhodopọ hẹ alọwlemẹ towe, podọ hodidọ towe ni nọ gọ́ na owanyi po sisi po.—Kol 4:6.

5. Ma nọ tẹ̀ jlọjẹ alọwle tọn asu kavi asi towe blo. —1Kọ 7:3, 4; 10:24.

Klistiani he nọ wleyẹyina alọwle yetọn lẹ nọ dohia dọ yé tindo sisi na Jehovah, mẹhe yin Dowatọ alọwle tọn.

PỌ́N VIDEO LỌ MÍ DONA “YÍ AKỌNDONANU DO HỌ̀N ALEWEZUN LỌ”—NỌ SETONUNA OSẸ́N AGBÀWHINWHLẸN LỌ TỌN LẸ, ENẸGODO NA GBLỌNDO NA KANBIỌ HE BỌDEGO LẸ:

• 

  Dile etlẹ yindọ alọwle gán vivi to bẹjẹeji, nuhahun tẹlẹ wẹ gán wá fọ́n?

• 

  Nawẹ nunọwhinnusẹ́n Biblu tọn lẹ gán gọalọna mẹhe do nuhahun to alọwle mẹ lẹ gbọn?

• 

  Osẹ́n tẹlẹ wẹ Jehovah zedai to alọwle mẹ?

• Etẹwẹ asu po asi po dona wà na alọwle yetọn nido pà yé?