Etẹwutu Wẹ Gbẹtọ Do Nọ Kú?

8 Jehovah Jiwheyẹwhe jlo dọ gbẹtọ ni lẹ́ aigba pete zun onú yọnwhanpẹ—paladisi de na mẹlẹpo nido duvivi etọn.—Gẹnẹsisi 1:28

Gbẹtọ lẹ na ko nọgbẹ̀ kakadoi eyin Adam po Evi po setonu na Jehovah. Yé yin didọna ma nado dù sọn atin oyọnẹn dagbe po oylan po tọn lọ mẹ.—Gẹnẹsisi 2:​15-17

9 Angẹli dopo lẹzun ylankan bo yí odàn de zan nado sisẹ Evi po Adam po do vẹtoli na Jiwheyẹwhe.—Gẹnẹsisi 3:​1-6

10 Angẹli he klọ Evi lọ wá yin yiylọ dọ ‘odàn hoho lọ, Lẹgba po Satani po’.—Osọhia 12:9

11 Jehovah yan tolivẹtọ awe nẹlẹ jẹgbonu sọn paladisi lọ mẹ.—Gẹnẹsisi 3:23, 24

12 Adam po Evi po wá tindo ovi lẹ, ṣigba whẹndo lọ pete ma tindo ayajẹ gba.—Gẹnẹsisi 3:​17, 18

13 Yé dona poyọnho bo kú, taidi de Jehovah ko dọ do.—Gẹnẹsisi 3:19; Lomunu lẹ 5:12

14 Enẹwutu yé kú taidi kanlin lẹ nkọ.

Alindọn lẹpo to aigba ji nọ kú.—Yẹwhehodọtọ 3:​18-20; Ezekiẹli 18:4