Livi Susu Nudida Gbigbọnọ lẹ Tọn
Biblu dọ na mí dọ omẹ gbigbọnọ susu lẹ wẹ tin. Jehovah lọsu yin gbigbọ de.—Johanu 4:24; 2 Kọlintinu lẹ 3:17, 18.
To ojlẹ de mẹ wayi Jehovah dopo akan wẹ tin to wẹkẹ lọ lẹpo mẹ. Enẹgodo ewọ jẹ gbẹtọ gbigbọnọ lẹ dá ji he nọ yin yiylọ dọ angẹli lẹ. Yé tindo huhlọn po nuyọnẹn po hugan gbẹtọvi lẹ talala. Jehovah dá susu angẹli lẹ tọn; devizọnwatọ Jehovah tọn Daniẹli, to numimọ de mẹ, mọ livi kanweko angẹli lẹ tọn.—Daniẹli 7:10; Heblu lẹ 1:7.
Angẹli ehelẹ yin dida gbọn Jiwheyẹwhe dali yedọ whẹpo e tlẹ do dá aigba. (Job 38:4-7) Depope to yé mẹ ma yin gbẹtọ he ko nọgbẹ̀ bosọ kú to aigba ji fi pọ́n gba.
Gbigbọ daho lọ, Jehovah, dá livi susu gbẹtọ gbigbọnọ lẹ tọn