Nupinplọn 1

Lehe Hiẹ Sọgan Dindona Nuhe Jiwheyẹwhe Biọ to Mẹsi Do

Nudọnamẹ titengbe tẹwẹ Biblu bẹhẹn? (1)

Mẹnu wẹ yin dowatọ Biblu tọn? (2)

Naegbọn hiẹ dona plọn Biblu? (3)

1. Biblu yin nunina họakuẹ de sọn Jiwheyẹwhe dè. E taidi wekanhlanmẹ de sọn otọ́ owanyinanọ de si hlan ovi etọn lẹ. E nọ dọ nugbo na mí dogbọn Jiwheyẹwhe dali—yèdọ mẹhe ewọ yin po nuhe nujinọtedo etọn lẹ yin po. E basi zẹẹmẹ lehe yè sọgan pehẹ nuhahun lẹ do podọ lehe yè sọgan tindo ayajẹ nugbo do. Biblu dopo kẹdẹ wẹ dọ nuhe mí dona wà nado hẹn homẹ Jiwheyẹwhe tọn hùn na mí.—Psalm 1:1-3; Isaia 48:17, 18.

2. Biblu yin kinkan gbọn sunnu voovo 40 delẹ dali na ojlẹ he hugan owhe 1 600 lẹ, he bẹjẹeji to 1513 J.W.M. tọn mẹ. E bẹ owe flinflin 66 lẹ hẹn. Mẹhe kàn Biblu lẹ yin gbigbọdo gbọn Jiwheyẹwhe dali. Yé kàn linlẹn etọn lẹ, e ma yin yetọn titi gba. Enẹwutu Jiwheyẹwhe he tin to olọn mẹ, wẹ e ma yin gbẹtọvi depope to aigba ji, wẹ yin Dowatọ Biblu tọn.—2 Timoti 3:16, 17; 2 Pita 1:20, 21.

3. Jiwheyẹwhe hẹn diun dọ Biblu yin vivọkan po gbesisọ po bosọ yin hihọ́ basina. Biblu susu dogọ lẹ ko yin zinzinjẹgbonu hugan owe devo depope. E ma yin homẹ mẹlẹpo tọn wẹ na hun nado mọ dọ hiẹ to Biblu plọn gba, ṣigba ma dike enẹ ni doalọtena we blo. Sọgodo madopodo towe sinai do yinyọ́n Jiwheyẹwhe po ojlo etọn wiwà towe po ji mahopọnna nukundiọsọmẹ depope.—Matiu 5:10-12; Johanu 17:3.