Họntọn Jiwheyẹwhe Tọn lẹ Nọ Dapana Nuhe Ylan

Satani nọ whlé gbẹtọ lẹ pọ́n nado wà onú ylankan. Mẹhe jlo nado yin họntọn Jiwheyẹwhe tọn dona nọ gbẹwanna nuhe Jehovah gbẹwanna. (Psalm 97:10) Delẹ die to nuhe họntọn Jiwheyẹwhe tọn lẹ nọ dapana lẹ mẹ:

Ylando zanhẹmẹ tọn lẹ. “Hiẹ ma na deayọ.” (Eksọdusi 20:14) Tintindo zanhẹmẹ jẹnukọnna alọwle yin nuhe jẹagọ ga.—1 Kọlintinu lẹ 6:18.

Ahànnumu. “Ahànnumunọ lẹ . . . ma na dugu ahọludu Jiwheyẹwhe tọn.”—1 Kọlintinu lẹ 6:10.

Mẹhuhu, Hòdide. “Hiẹ ma na yọ́n gbẹtọ kú de.”—Eksọdusi 20:13.

Ajojijẹ. “Hiẹ ma na finnuyí.”—Eksọdusi 20:15.

Lalodido. Jehovah gbẹwanna “odẹ́ lalo tọn.”—Howhinwhẹn lẹ 6:17.

Danuwiwa po Homẹgble Zẹjlẹgo Po. “Mẹylankan po mẹhe yiwanna [danuwiwa, NW ] po ayiha [Jehovah] tọn gbẹwanna.” (Psalm 11:5) “Azọ́n agbasalan tọn lẹ [wẹ] . . . homẹgble.”—Galatianu lẹ 5:19, 20.

Akọhiho. “Mì ma . . . dogbẹ́ hẹ . . . mẹhe yè ylọ . . . nukunkẹnnọ . . . lala blo.”—1 Kọlintinu lẹ 5:11.

Wangbẹna Akọ̀ po Hẹnnu po Tọn. “Mì yiwanna kẹntọ mìtọn lẹ, bosọ hodẹ̀ na mẹhe to . . . homẹkẹndo mì lẹ.”—Matiu 5:43, 44.

Nuhe Jiwheyẹwhe dọna mí lẹ yin na dagbe mítọn. E ma nọ bọawu to whepoponu nado dapana onú ylankan wiwà gba. Po alọgọ Jehovah tọn po gọna alọgọ Kunnudetọ etọn lẹ tọn, hiẹ sọgan dapana nuhe ma nọ hẹn homẹ Jiwheyẹwhe tọn hùn lẹ wiwà.—Isaia 48:17; Filippinu lẹ 4:13; Heblu lẹ 10:24, 25.