Etẹwẹ Mí Dona Wà Nado Hẹn Homẹ Jiwheyẹwhe Tọn Hùn?

Ma nọ doalọ to nuylankan lẹ mẹ blo. 1 Kọlintinu lẹ 6:9, 10

Eyin mí yiwanna Jehovah, mí ma na wà nuhe e gbẹwanna lẹ.

Jehovah ma jlo dọ mí ni nọ jẹajo, nùahànmú kavi ṣì amasin-adinọ lẹ zan.

Jiwheyẹwhe gbẹwanna mẹhuhu, hòdide, nukunkẹn po avùnhiho po. E dosẹ́n dọ sunnu ma dona zanhẹ sunnu.

Mí ma dona sẹ̀n boṣiọ lẹ kavi doalọ to afinyọnnuwiwa mẹ.

Mẹhe nọ wà nuylankan lẹ ma na nọ aigba he na lẹzun Paladisi lọ ji.

Nọ wà nuhe sọgbe. Matiu 7:12

Eyin mí jlo na hẹn homẹ Jiwheyẹwhe tọn hùn, mí dona tẹnpọn nado hodo apajlẹ etọn.

Yiwanna mẹdevo lẹ bo nọ do homẹdagbe po alọtútlú po hia yé.

Nọ dọ nugbo.

Nọ do lẹblanu hia bo nọ jonamẹ.

Nọ dọhona mẹdevo lẹ gando Jehovah po aliho etọn lẹ po go.—Isaia 43:10.