Ayajẹnọ Wẹ Lẹblanunọ Lẹ!

1. Yajẹnọ wẹ lẹblanunọ.

Jah nọ pọ́n yé di whanpẹnọ.

Yé dọna mẹhe jlo dagbe

Dọ Jah yiwanna lẹblanu.

Jẹwhe do lẹblanu hia mí,

Bo yí Klisti do fli mí gọ̀.

E nọ do lẹblanu hia mí

Na e yọ́n madogán mítọn.

2. Donanọ wẹ lẹblanunọ;

Yé mọ jona ylando tọn yí.

Yé duale lẹblanu tọn,

Le Klist’ jẹ ’fìn Jah tọn nukọn.

Yé na do lẹblanu ’he hia

Gbọn yẹwhehodidọ dali

Bo na lá pé dọ, “Mì jaya

Na Họluduta lọ ko wá.”

3. Whiwhẹnọ na mọ dona yí

Whenue Jah na dawhẹna yé.

Yé na mọ lẹblanu etọn,

Na yé nọ do lẹblanu hia.

Mì gbọ mí ni dovivẹnu

Nado tindo jẹhẹnu ’he.

Mí ni nọ do lẹblanu hia;

Dile Jah po Klist’ po wà do.