Kanbiọ Sinai Do Biblu Ji Lẹ
Nawẹ okú Jesu tọn hẹn ale wá na mí gbọn?
To whenue Jiwheyẹwhe dá gbẹtọvi lẹ, e jlo dọ yé ni nọgbẹ̀ kakadoi to aigba ji matin yajiji, azọ̀n kavi okú. Ṣigba, sunnu tintan lọ, Adam vẹtolina Mẹdatọ lọ bo hẹn nukundido gbẹninọ kakadoi tọn enẹ bu. Na mí yin kúnkan Adam tọn wutu, mí dugu okú tọn sọn ewọ dè. (Lomunu lẹ 5:8, 12; 6:23) Jiwheyẹwhe nugbo lọ, Jehovah, do Visunnu etọn, Jesu hlan aigba ji nado kú bo fli nuhe Adam ko hẹnbu lọ gọwá.—Hia Johanu 3:16.
Jesu kú nado hẹn gbẹninọ kakadoi yọnbasi na gbẹtọvi lẹ. Nawẹ a lẹndọ gbẹninọ kakadoi to aigba ji na te do?
Okú Jesu tọn hẹn jona ylando mítọn lẹ tọn po gbẹninọ kakadoi po yọnbasi na mí. Biblu dọ lehe gbẹninọ na te do to aigba ji to whenue mí ma nasọ jiya yọnhowhe, azọ̀n, po okú po tọn ba na mí.—Hia Isaia 25:8; 33:24; Osọhia 21:4, 5.
Nawẹ mí dona nọ flin okú Jesu tọn gbọn?
To whèjai he jẹnukọnna okú Jesu tọn, e dọna hodotọ etọn lẹ nado nọ basi hùnwhẹ kleun de nado flin okú emitọn. Hùnwhẹ oflin okú Jesu tọn ehe bibasi to whemẹwhemẹ nọ hùn dotẹnmẹ dote na mí nado lẹnayihamẹpọn do owanyi daho he Jesu po Jehovah po dohia gbẹtọvi lẹ ji.—Hia Luku 22:19, 20; 1 Johanu 4:9, 10.
To owhe ehe mẹ, hùnwhẹ Oflin okú Jesu tọn na yin bibasi to lundi 14 avril, to họyiyi owhè tọn godo. Mí basi oylọna we nado kọnawudopọ hẹ Kunnudetọ Jehovah tọn he to lẹdo towe mẹ lẹ na hùnwhẹ lọ.—Hia Lomunu lẹ 1:11, 12.