Nuhe Na Yin Didọ Gando Linlinnamẹwe lẹ Go

Atọ̀họ̀-Nuhihọ́ lọ Tọn Juillet-Septembre

“Be a ko kanse dewe pọ́n dọ naegbọn Jiwheyẹwhe do jotẹndona yajiji ya? [Jotẹnna gblọndo.] Pọ́n lehe wekantọ Biblu tọn de donù nuhe mẹsusu nọ kanse go do. [Hia Psalm 10:1.] Linlinnamẹwe ehe zinnudo nuhe Biblu dọ gando nuhewutu Jiwheyẹwhe jotẹndona yajiji po nuhe e to wiwà nado hẹn pọngbọ wá po ji.”

***

“Mẹsusu wẹ nọ dopà to egbehe bo ma nọ hẹn ẹn di. Ṣigba, be hiẹ yọnẹn dọ mẹde tin he nọ hẹn opagbe etọn lẹ di to whepoponu ya? [Jotẹnna gblọndo. Enẹgodo hia Jọṣua 23:14.] Hosọ ehe na gọalọna we nado deji mlẹnmlẹn dọ opagbe he Jiwheyẹwhe do na sọgodo lẹpo na mọ hẹndi.” Ze hosọ he tin to weda 29tọ ji donukọnnamẹ.

Réveillez-vous! Août

“To egbehe, sinima susu wẹ nọ do aovi, afinyọnnọ po azétọ lẹ po hia. Be hiẹ lẹndọ aovi lẹ tin nugbonugbo ya? [Jotẹnna gblọndo. Enẹgodo hia 1 Corinthians 10:20.] Hosọ ehe do nuhe Biblu dọ gando aovi lẹ go hia gọna lehe mí sọgan họ́ míde sọn yé si do.” Ze hosọ he bẹsọn weda 20tọ ji donukọnnamẹ.

Réveillez-vous! Septembre

“Be hiẹ lẹndọ alokan apòmẹ tọn, wekanhlanmẹ Internet ji tọn po nuyizan egbezangbe tọn devo lẹ po he nọ yin yiyizan nado dọho hẹ gbẹtọ lẹ nọ de numọtolanmẹ ṣokẹdẹninọ tọn pò kavi yidogọna ẹn wẹ ya? [Jotẹnna gblọndo.] Ayinamẹ dopo die he na gọalọna mí nado pehẹ ṣokẹdẹninọ. [Hia Owalọ lẹ 20:35.] Linlinnamẹwe ehe dọhodo ayinamẹ yọ́n-na-yizan Biblu tọn devo lẹ ji.”